മലപ്പുറം: മുന്മന്ത്രി വി.കെ. ഇബ്രാഹിംകുഞ്ഞിനെ വിജിലന്സ് അറസ്റ്റ് ചെയ്ത സാഹചര്യത്തില് മലപ്പുറത്ത് മുസ്ലീം ലീഗ് അടിയന്തര നേതൃയോഗം ചേരുന്നു. പി.കെ. കുഞ്ഞാലിക്കുട്ടി, കെ.പി.എ. മജീദ് ഉള്പ്പടെയുള്ള നേതാക്കള് യോഗത്തില് പങ്കെടുക്കുന്നുണ്ട്.
കൊച്ചിയിലെ ലേക്ഷോര് ആശുപത്രിയില് നിന്നുമാണ് ഇബ്രാഹിം കുഞ്ഞിനെ വിജിലന്സ് സംഘം അറസ്റ്റ് ചെയ്തത്. ബുധനാഴ്ച പുലര്ച്ചെയാണ് തിരുവനന്തപുരത്ത് നിന്നുമുള്ള വിജിലന്സ് ഡിവൈഎസ്പിയുടെ നേതൃത്വത്തിലുള്ള പ്രത്യേക അന്വേഷണ സംഘം ഇബ്രാഹിംകുഞ്ഞിന്റെ കൊച്ചിയിലെ വസയിലെത്തിയത്. എന്നാല് വീട്ടില് അദ്ദേഹത്തിന്റെ ഭാര്യ മാത്രമാണുണ്ടായിരുന്നത്. ഇബ്രാഹിം കുഞ്ഞ് ആശുപത്രിയിലാണെന്നായിരുന്നു ഇവര് നല്കിയ മറുപടി. തുടര്ന്ന് വിജിലന്സ് സംഘം അദ്ദേഹം ചികിത്സയില് കഴിയുന്ന കൊച്ചിയിലെ ലേക്ഷോര് ആശുപത്രിയിലെത്തി ഡോക്ടര്മാരുമായി ചര്ച്ച നടത്തിയതിന് ശേഷം അദ്ദേഹത്തെ അറസ്റ്റ് ചെയ്യുകയായിരുന്നു. പാലാരിവട്ടം അഴിമതി കേസിലെ കേസിലെ അഞ്ചാം പ്രതിയാണ് ഇബ്രാഹിം കുഞ്ഞ്.
