ഡൽഹി : ഐ സി എസ് ഇ പത്താം ക്ലാസ്, ഐ എസ് സി പന്ത്രണ്ടാം ക്ലാസ് പരീക്ഷ ഫലങ്ങൾ പ്രഖ്യാപിച്ചു. ഐ സി എസ് ഇ പത്താം ക്ലാസിൽ 99.18 ശതമാനം വിജയവും ഐ എസ് സി പന്ത്രണ്ടാം ക്ലാസിൽ 99.13 വിജയമാണുള്ളത്. ഫലം അറിയാൻ https://cisce.org എന്ന സൈറ്റിലൂടെ പരിശോധിക്കാം. രണ്ട് ഫലത്തിലും പെൺകുട്ടികള്ക്കാണ് കൂടുതൽ നേട്ടം സ്വന്തമാക്കിയിരിക്കുന്നത്. റാങ്ക്ണ് ഇതുവരെ പ്രഖ്യാപിച്ചിട്ടില്ല. പരീക്ഷാ ഫലങ്ങള് പ്രസിദ്ധീകരിച്ചത് കൗൺസിൽ ഫോർ ദ ഇന്ത്യൻ സ്കൂൾ സർട്ടിഫിക്കറ്റ് എക്സാമിനേഷൻസ് ആണ്. ഈ വർഷം രണ്ട് പരീക്ഷകളിലും 99 ശതമാനത്തിന് മുകളിൽ വിജയം രേഖപ്പെടുത്തിയിട്ടുണ്ടെന്നത് ശ്രദ്ധേയമാണ്. ഐ എസ് സി യിൽ പെൺകുട്ടികൾ 99.48ശതമാനം വിജയം നേടിയപ്പോൾ ആൺകുട്ടികൾ 98.81 വിജയം സ്വന്തമാക്കി.
ഐസിഎസ്ഇയിൽ പെൺകുട്ടികൾ 99.46 ശതമാനവും ആൺകുട്ടികൾ 98.93 ശതമാനവും വിജയം നേടിയിട്ടുണ്ട്. ഐസിഎസ്ഇ പരീക്ഷയിൽ 2,58,721 വിദ്യാർത്ഥികള് പരീക്ഷ എഴുതിയപ്പോള് ഐ എസ് സി പരീക്ഷയിൽ 1,03,316 വിദ്യാർഥികളാണ് പരീക്ഷ എഴുതിയത്. മെയ് 1 മുതൽ മെയ് 4 വരെ ഫലങ്ങളിൽ പുനഃപരിശോധന ആവശ്യമുള്ളവർക്ക് അപേക്ഷിക്കാം. ഇംപ്രൂവ്മെന്റ് പരീക്ഷകൾ ജൂൺ, ജൂലൈ മാസങ്ങളിൽ നടക്കും.
