തീകൊളുത്തി ആത്മഹത്യക്ക് ശ്രമിച്ച പെണ്‍കുട്ടിയെ തിരുവനന്തപുരം മെഡിക്കല്‍ കോളേജിലേക്ക് മാറ്റി

ഇടുക്കി: തീകൊളുത്തി ആത്മഹത്യക്ക് ശ്രമിച്ച പെണ്‍കുട്ടിയെ വിദഗ്ധ ചികിത്സക്കായി തിരുവനന്തപുരം മെഡിക്കല്‍ കോളേജിലേക്ക് മാറ്റി. നരിയമ്പാറയില്‍ ഓട്ടോ ഓടിക്കുന്ന ഡിവൈഎഫ്‌ഐ നേതാവ്  മനു മനോജ് പ്രണയം നടിച്ചാണ് പ്രായപൂര്‍ത്തിയാകാത്ത കുട്ടിയെ പീഡിപ്പിച്ചത്. സംഭവം അറിഞ്ഞ വീട്ടുകാര്‍ പോലീസില്‍ പരാതി നല്‍കി. പിന്നാലെ പ്രതി ഒളിവില്‍ പോയി. പെണ്‍കുട്ടി ആത്മഹത്യശ്രമം നടത്തിയതോടെ കുരുക്ക് മുറുകിയെന്ന് മനസിലാക്കി കട്ടപ്പന ഡിവൈഎസ്പിക്ക് മുന്നില്‍ കീഴടങ്ങുകയായിരുന്നു. പീരുമേട് കോടതിയില്‍ ഹാജരാക്കിയ പ്രതിയെ സബ് ജയിലില്‍ റിമാന്‍ഡ് ചെയ്തു. നരിയമ്പാറയിലെ സജീവ ഡിവൈഎഫ്‌ഐ പ്രവര്‍ത്തകനായ മനുവിനെതിരെ പീഡനപരാതി ഉയര്‍ന്ന സാഹചര്യത്തില്‍ സംഘടനയില്‍ നിന്ന് പുറത്താക്കിയിരുന്നു.