ശ്രീനഗര്: ഭരണഘടനയുടെ 370-ാം അനുച്ഛേദപ്രകാരം ജമ്മുകശ്മീരിനുള്ള പ്രത്യേക പദവി പുനഃസ്ഥാപിക്കാന് കഴിയില്ലെന്ന് നിയമ മന്ത്രി രവിശങ്കര് പ്രസാദ്. കശ്മീരിന്റെ പ്രത്യേക പദവി പുനഃസ്ഥാപിക്കണമെന്ന് കേന്ദ്രത്തോട് ആവശ്യപ്പെട്ട പിഡിപി നേതാവ് മെഹബൂബ മുഫ്തിക്കുള്ള മറുപടിയാണ് കേന്ദ്രമന്ത്രി നേരിട്ടു നല്കിയത്.
ഭരണഘടനാ മാറ്റങ്ങള് പിന്വലിക്കുന്നത് വരെ ദേശീയ പതാക കൈവശം വെക്കുകയോ തെരഞ്ഞെടുപ്പില് മത്സരിക്കുകയോ ചെയ്യില്ലെന്ന് കഴിഞ്ഞ ദിവസം മെഹബൂബ മുഫ്തി പറഞ്ഞിരുന്നു. ദേശീയ പതാകയോട് കനത്ത അനാദരവ് പ്രകടിപ്പിക്കുന്ന മുഫ്തിയോട് മറ്റു പാര്ട്ടികള് കടുത്ത നിശബ്ദത പുലര്ത്തുകയാണ്. ഇത് കാപട്യവും ഇരട്ടത്താപ്പുമാണെന്ന് എന്ന് രവിശങ്കര് പ്രസാദ് വ്യക്തമാക്കി.
