പത്തനംതിട്ട : ജില്ലയിൽ ആദ്യമായി ആതിഥ്യമരുളുന്ന അന്താരാഷ്ട്ര ചലച്ചിത്രമേളയ്ക്ക് നാളെ ( 8) വൈകുന്നേരം 4.30ന് തിരി തെളിയും. ഐശ്വര്യ തിയേറ്ററിൽ നടക്കുന്ന ചടങ്ങിൽ കെ എസ് എഫ് ഡി സി ചെയർമാൻ ഷാജി എൻ. കരുൺ ഉദ്ഘാടനം നിർവഹിക്കും. സംഘാടകസമിതി ചെയർമാൻ അഡ്വ. ടി സക്കീർ ഹുസൈൻ അധ്യക്ഷത വഹിക്കും. സംസ്ഥാന ആരോഗ്യവകുപ്പ് മന്ത്രി വീണാ ജോർജ് ഫെസ്റ്റിവൽ ബുക്ക് പ്രകാശനം ചെയ്യും. എംപി ആന്റോ ആൻ്റണി ഫെസ്റ്റിവൽ ലോഗോ സമ്മാനദാനം നിർവഹിക്കും. ചലച്ചിത്ര സംവിധായകൻ കവിയൂർ ശിവപ്രസാദ് മുഖ്യാതിഥിയാകും. അഡ്വ. കെ യു ജനീഷ് കുമാർ എംഎൽഎ, ജില്ലാ കളക്ടർ എസ് പ്രേംകൃഷ്ണൻ ഐ എ എസ്, സംഘാടകസമിതി വൈസ് ചെയർമാൻ കെ ജാസിംകുട്ടി, ജനറൽ കൺവീനർ എം.എസ് സുരേഷ് തുടങ്ങിയവർ പ്രസംഗിക്കും.
ഉദ്ഘാടന സമ്മേളനത്തിന് ശേഷം ആനന്ദ് ഏകർഷിച്ച ചിത്രം ആട്ടം പ്രദർശിപ്പിക്കും. രാവിലെ 9.30 മുതൽ 4 സ്ക്രീനുകളിലായി ചലച്ചിത്രങ്ങൾ പ്രദർശിപ്പിക്കും. ട്രിനിറ്റി മൂവി മാക്സ് സ്ക്രീൻ രണ്ട്, മൂന്ന്, രമ്യ, ടൗൺഹാൾ എന്നിവിടങ്ങളിലായി നടക്കുന്ന പ്രദർശനങ്ങൾ കാണാൻ ഡെലിഗേറ്റ് രജിസ്ട്രേഷൻ പൂർത്തിയായവർക്ക് അവസരം ലഭിക്കും. ഫെസ്റ്റിവൽ കിറ്റ് ഏറ്റുവാങ്ങാത്ത പ്രതിനിധികൾ സംഘാടകസമിതി ഓഫീസുമായി ബന്ധപ്പെടണമെന്ന് ഡെലിഗേറ്റ് കമ്മിറ്റി അറിയിച്ചു. വിവിധ ചലച്ചിത്രങ്ങളുടെ സംവിധായകരും അണിയറ പ്രവർത്തകരും പ്രദർശനങ്ങൾ കാണാനും പ്രേക്ഷകരുമായി സമ്മതിക്കാനും എത്തിച്ചേരും.
