തിരുവനന്തപുരം : മാധ്യമ പ്രവര്ത്തകന് എസ്.വി.പ്രദീപിന്റെ ദുരൂഹ മരണത്തില് സിബിഐ അന്വേഷണത്തിനു നടപടി സ്വീകരിക്കണമെന്ന് ആവശ്യപ്പെട്ടു ഇന്ത്യന് ജേണലിസ്റ്റ് യൂണിയന് (ഐജെയു) സെക്രട്ടറി ജനറല് ജി.പ്രഭാകരനും സെക്രട്ടറി യു.വിക്രമനും മുഖ്യമന്ത്രി പിണറായി വിജയനും സംസ്ഥാന പോലീസ് മേധാവിക്കും നിവേദനം നല്കി. 2020 ഡിസംബര് 14നു തിരുവനന്തപുരത്തുണ്ടായ വാഹനാപകടത്തിലാണു പ്രദീപ് മരിച്ചത്.
കേരള പോലീസിന്റെ കേസന്വേഷണത്തില് വിശ്വാസമില്ലെന്നു ചൂണ്ടിക്കാട്ടി എസ്.വി.പ്രദീപിന്റെ അമ്മ ആര്.വസന്തകുമാരി സിബിഐ അന്വേഷണം ആവശ്യപ്പെട്ടു കേരള ഹൈക്കോടതിയില് ഹര്ജി നല്കിയിട്ടുണ്ട്. തന്റെ മകനു നേരെയുണ്ടായിരുന്ന വധഭീഷണികളെ കുറിച്ചും അന്വേഷിക്കണമെന്ന് ആവശ്യപ്പെട്ടാണ് ഹര്ജി.
ദുരൂഹ മരണത്തിലെ യാഥാര്ഥ്യം പുറത്തു കൊണ്ടു വരാന് സിബിഐ അന്വേഷണത്തിനു ശുപാര്ശ ചെയ്യണമെന്നു മുഖ്യമന്ത്രിക്കു നല്കിയ നിവേദനത്തില് ഐജെയു ആവശ്യപ്പെട്ടു.
