താമരശ്ശേരി : നിര്മ്മാണത്തിലിരുന്ന കെട്ടിടത്തില് ദുരൂഹസാഹചര്യത്തില് പരിക്കേറ്റ നിലയില് കണ്ടെത്തിയ ആള് മരിച്ചു. തച്ചംപൊയില് കൊല്ലരുകണ്ടി ദേവദാസന് ആണ് (48) മരിച്ചത്. ചുങ്കം ചുണ്ടക്കുന്നുമ്മലില് ഫെബ്രുവരി 23നു രാത്രി എട്ടരയോടെയാണ് സംഭവം. തലക്ക് സാരമായി പരിക്കേറ്റ് കോഴിക്കോട് ഗവ.മെഡിക്കല് കോളജ് ആശുപത്രി തീവ്രപരിചരണവിഭാഗത്തില് ചികിത്സയില് കഴിയവെ ചൊവ്വാഴ്ച വൈകീട്ടോടെയാണ് മരണം സംഭവിച്ചത്. കെട്ടിടത്തിനു മുകള് ഭാഗത്തെ കോണിയില്നിന്ന് താഴോട്ട് വീണ് പരിക്കേറ്റതായാണ് ഒപ്പമുണ്ടായിരുന്ന സുഹൃത്തുക്കള് താമരശ്ശേരി പോലീസിനെ അറിയിച്ചത്. പരേതനായ ബാലന്റെയും സുശീലയുടെയും മകനാണ്. ഭാര്യ : സിന്ധു. മക്കള് : ഋതുദേവ്, ദേവനന്ദ. സഹോദരങ്ങള് : മനോജ് കുമാര്, സുധീര് കുമാര്, ശ്രീജ.
