ഷൊര്ണൂര് : അനധികൃതമായി കൊണ്ടുവന്ന 40 ലക്ഷം രൂപയുമായി യുവാവിനെ റെയില്വേ പോലീസ് പിടികൂടി. മലപ്പുറം വേങ്ങര വലിയോറ കോഴിക്കാട്ടില് ശെരീഫാണ് (36) പിടിയിലായത്. റെയില്വേ സ്റ്റേഷനിലെ നാല്, അഞ്ച് പ്ലാറ്റ്ഫോമുകളില് സംശയാസ്പദമായ സാഹചര്യത്തില് കണ്ട ഇയാളെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് ബാഗില് വെച്ചിരുന്ന തുക കണ്ടെത്തിയതെന്ന് പോലീസ് പറഞ്ഞു.
തമിഴ്നാട്ടില്നിന്നാണ് രേഖകളില്ലാതെ പണം കൊണ്ടുവന്നത്. തുക കോടതിയില് ഹാജരാക്കി. എസ്.ഐമാരായ പി. ജംഷീദ്, സക്കീര് അഹമ്മദ്, എ.എസ്.ഐ.വി.എ.ജോസഫ്, സി.പി.ഒ സിറാജുദ്ദീന് എന്നിവരാണ് സംഘത്തിലുണ്ടായിരുന്നത്.
