റാന്നി: സംസ്ഥാന പാതയില് അനധികൃത വാഹനങ്ങളുടെ പാർക്കിംഗ് മൂലം ദീര്ഘദൂര യാത്രക്കാര്ക്ക് വിശ്രമിക്കാന് സ്ഥലമില്ലാതാകുന്നു. പുനലൂര്-മൂവാറ്റുപുഴ സംസ്ഥാന പാത വഴി സഞ്ചരിക്കുന്ന യാത്രക്കാര്ക്കാണ് വഴിയോരങ്ങളില് വിശ്രമിക്കാന് സ്ഥലം ഇല്ലാതാകുന്നത്. സംസ്ഥാന പാതയിലെ വീതി ഉള്ള ഇടങ്ങളില് സ്ഥിരമായി ട്രെയിലര് വാഹനങ്ങളും മറ്റും കൊണ്ടിടുന്നതാണ് സ്ഥലമില്ലാതാകുന്നതിന്റെ കാരണം. ഇങ്ങനെ കൊണ്ടിടുന്ന വാഹനങ്ങള് സ്ഥിരമായി ആഴ്ചകളോളം ഒരിടത്തു തന്നെ പാര്ക്കു ചെയ്യുകയാണ്. ഇത് അപകട സാധ്യത വര്ദ്ധിപ്പിക്കുമെന്നതില് സംശയമില്ല.
മാടത്തുംപടിക്ക് സമീപം വീതിയുള്ള പാതയോരത്ത് സ്ഥിരമായി ടിപ്പറുകള് പാര്ക്കിംങ്ങ് ചെയ്തിരിക്കുകയാണ്. കൂടാതെ ടാര് മിക്സിംങ് പ്ലാന്റും റോഡുറോളറും സിമന്റ് മിക്സിംങ് യന്ത്രവുമെല്ലാം ഉണ്ട്. ഇത്തരം വാഹനങ്ങള് പാതയോരത്ത് പാര്ക്കു ചെയ്യുന്നതോടെ മറ്റു വാഹനങ്ങളുടെ സ്ഥലവും അപഹരിക്കുകയാണ്. ഇത് അപകടങ്ങള്ക്കും സാധ്യതയുണ്ട്. മോട്ടോര് വാഹനവകുപ്പ്, പോലീസ് അധികൃതര് സംഭവം കണ്ടില്ലെന്നു നടിക്കുന്നതു മൂലം അനധികൃത പാര്ക്കിംങ്ങ് അവകാശം പോലെയാവുകയാണ്.
