തിരുവല്ല : റെയിൽവേസ്റ്റേഷൻ റോഡിൽ തലങ്ങും വിലങ്ങും അനധികൃത വാഹന പാര്ക്കിംഗ്. വീതി കുറഞ്ഞ വഴിയിൽ അനധികൃത പാര്ക്കിംഗ് കൂടിയായതോടെ ഇതുവഴിയുള്ള വാഹനയാത്ര ദുരിതമായി. നവീകരണത്തിന്റെ ഭാഗമായുള്ള പണികൾ സ്റ്റേഷനിൽ നടന്നുവരികയാണ്. ഇതിന്റെ ഭാഗമായി ഉൾഭാഗത്ത് ചിലയിടങ്ങളിൽ വാഹനം പാർക്കുചെയ്യാൻ പറ്റാതിരിക്കുന്ന സാഹചര്യം ഉണ്ട്. ഇതിന് പകരമായി ധാരാളം സ്ഥലം പാർക്കിങ്ങിന് സ്റ്റേഷൻ വളപ്പിൽ തന്നെയുണ്ട്. എന്നാൽ നോ പാർക്കിങ് ബോർഡ് സ്ഥാപിച്ചിരിക്കുന്ന പ്രധാന വഴിയരികിൽ തന്നെയാണ് കാറുകളടക്കം അനധികൃതമായി ഇടുന്നത്. റെയിൽവേയുടെ അധീനതയിലുളളതാണ് റോഡ്. വീതികൂട്ടി നവീകരിക്കാൻ മുനിസിപ്പാലിറ്റിക്ക് അനുമതിനൽകാമെന്ന് റെയിൽവേ മുമ്പ് പ്രഖ്യാപിച്ചിരുന്നെങ്കിലും കാര്യമായ വികസനം ഉണ്ടായില്ല. മല്ലപ്പള്ളി റോഡിൽ നിന്നും ബൈപ്പാസിൽനിന്നുളള വഴിയിൽനിന്നും സ്റ്റേഷൻ കവാടത്തിലേക്ക് വരുന്ന ഭാഗങ്ങളിൽ നിരനിരയായി ഇരുചക്രവാഹനങ്ങൾ വെയ്ക്കുന്നുണ്ട്. റെയിൽവേ പ്രോട്ടക്ഷൻ ഫോഴ്സിന്റെ സ്ഥിരം സ്റ്റേഷൻ തിരുവല്ലയിൽ ഇല്ലാത്തതും അനധികൃത പാര്ക്കിംഗ് വർധിപ്പിക്കുന്നു.
WANTED MARKETING MANAGER
സംസ്ഥാന സര്ക്കാരിന്റെ ഇന്ഫര്മേഷന് & പബ്ലിക് റിലേഷന്സ് ഡിപ്പാര്ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് (www.pathanamthittamedia.com) മാര്ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
