കോഴഞ്ചേരി : നാരങ്ങാനം വലിയകുളത്ത് അനധികൃതമായി സൂക്ഷിച്ചിരുന്ന വിദേശമദ്യം പിടികൂടി. പത്തനംതിട്ട എക്സൈസ് ഓഫീസിന്റെ നേത്രുത്വത്തില് ഇന്ന് വെളുപ്പിനെ 6 മണിക്ക് ആയിരുന്നു പരിശോധന. വലിയകുളം എന്.എസ്.എസ് കരയോഗ കെട്ടിടത്തിന്റെ പരിസരത്തുനിന്നുമാണ് മദ്യം പിടിച്ചെടുത്തത്. കാവുങ്കല് സുധീഷ് (40) എന്നയാളെ അറസ്റ്റ് ചെയ്തു.
കെട്ടിടത്തിന്റെ സമീപം ചാക്കില് കെട്ടിയാണ് മദ്യം സൂക്ഷിച്ചിരുന്നത്. കൂടാതെ പുറത്ത് പാര്ക്ക് ചെയ്തിരുന്ന സുധീഷിന്റെ ബൈക്കില് നിന്നും അരലിറ്ററിന്റെ ആറു മദ്യക്കുപ്പികളും പിടിച്ചെടുത്തു. എന്.എസ്.എസ് കരയോഗം പ്രസിഡന്റ് രഘു ഉത്തമന്റെ സാന്നിധ്യത്തിലായിരുന്നു എക്സൈസിന്റെ പരിശോധന നടന്നത്. ഇന്നുമുതല് മദ്യക്കടകളും ബാറുകളും അവധിയായതിനാല് കൂടിയ വിലക്ക് വില്ക്കുവാന് വാങ്ങി സൂക്ഷിച്ചതാണ് മദ്യം.
