ഡല്ഹി: കൊടുംചൂടില് വെന്തുരുകുകയായണ് രാജ്യം. ഒമ്പതു സംസ്ഥാനങ്ങളില് ഉഷ്ണതരംഗം അനുഭവപ്പെടുമെന്ന് കലാവസ്ഥാ വകുപ്പ് മുന്നറിയിപ്പ് നല്കിയിട്ടുണ്ട്. ഈ സംസ്ഥാനങ്ങളില് ചൂട് 45 ഡിഗ്രിയില് എത്തുമെന്നും ജനങ്ങള് ജാഗ്രത പാലിക്കണമെന്നും അധികൃതര് മുന്നറിയിപ്പ് നല്കുന്നു. പശ്ചിമ ബംഗാള്, ബിഹാര്, ആന്ധ്രാപ്രദേശ് എന്നീ മൂന്ന് സംസ്ഥാനങ്ങളിലാണ് അപകടകരമായ തോതില് ഉയര്ന്ന ചൂട് അനുഭവപ്പെടുക. ഇവിടങ്ങളില് ഓറഞ്ച് അലര്ട്ട് പുറപ്പെടുവിച്ചു. കൂടാതെ സിക്കിം, ജാര്ഖണ്ഡ്, ഒഡീഷ, ഉത്തര്പ്രദേശ് എന്നീ നാല് സംസ്ഥാനങ്ങളിലും ഉഷ്ണതരംഗം ഉണ്ടാകാന് സാധ്യതയുണ്ട്.
അതേസമയം കേരളത്തിലും വേനല്ചൂട് അധികമാണ്. ഇതേതുടര്ന്ന് ആറ് ജില്ലകളില് താപനില മുന്നറിയിപ്പ് നല്കിയിട്ടുണ്ട്. താപനില സാധാരണയെക്കാള് 2 മുതല് 4 ഡിഗ്രി സെല്ഷ്യസ് വരെ ഉയരാം. പാലക്കാട് ഉയര്ന്ന താപനില 40 ഡിഗ്രി സെല്ഷ്യസിന് അടുത്തും കൊല്ലം, കോട്ടയം, തൃശ്ശൂര് ജില്ലകളില് ഉയര്ന്ന താപനില 38 ഡിഗ്രി സെല്ഷ്യസിന് അടുത്തും തുടരും. കോഴിക്കോട്, ആലപ്പുഴ ജില്ലകളില് ഉയര്ന്ന താപനില 37 ഡിഗ്രി സെല്ഷ്യസിന് അടുത്തായിരിക്കും.
