ലഖ്നോ: ഭക്ഷണശാലയുടെ ഉദ്ഘാടനം നിര്വഹിച്ച് പശു. ഉത്തര്പ്രദേശിലെ ലഖ്നോവിലാണ് ജൈവ ഉല്പന്നങ്ങള് മാത്രം ഉപയോഗിച്ച് ഭക്ഷ്യവസ്തുക്കള് തയാറാക്കുന്ന ഓര്ഗാനിക് ഒയാസിസ് എന്ന സ്ഥാപനത്തിന്റെ ഉദ്ഘാടനം പശു നിര്വഹിച്ചത്. മുന് ഡെപ്യൂട്ടി എസ്.പി ശൈലേന്ദ്ര സിങ്ങാണ് റസ്റ്ററന്റിന്റെ ഉടമ. യു.പിയിലെ സുശാന്ത് ഗോള്ഫ് സിറ്റിയിലാണ് റസ്റ്ററന്റ് തുറന്നിരിക്കുന്നത്.
ലഖ്നോവിലെ ആദ്യ ജൈവ ഭക്ഷണശാലയാണിതെന്നും കുറഞ്ഞ പൈസക്ക് ജനങ്ങള്ക്ക് ആരോഗ്യകരമായ ഭക്ഷണം നല്കുകയാണ് ലക്ഷ്യമെന്നും ഭക്ഷണശാലയുടെ ഉടമ പറഞ്ഞു. പശുവിന്റെ ചാണകവും മൂത്രവുമാണ് കൃഷിയിടത്തില് താന് കീടങ്ങളെ നിയന്ത്രിക്കാനായി ഉപയോഗിക്കുന്നത്. ഇത്തരത്തില് വിളയിച്ചെടുക്കുന്ന പച്ചക്കറികളാണ് പാചകത്തിനായി ഭക്ഷണശാലയില് ഉപയോഗിക്കുന്നത്.
