ലാഹോര് : റാലിക്കിടെയുണ്ടായ വെടിവെപ്പില് പരിക്കേറ്റ് ചികിത്സയിലിരിക്കവെ ആശുപത്രിക്കിടക്കയില്നിന്ന് ജനങ്ങളെ അഭിസംബോധന ചെയ്ത് പാകിസ്താന് മുന്പ്രധാനമന്ത്രിയും തെഹ്രീക് ഇ ഇന്സാഫ് അധ്യക്ഷനുമായ ഇമ്രാന് ഖാന്. തന്നെ വധിക്കാന് ശ്രമിച്ചതിന് പിന്നില് പാകിസ്ഥാന് പ്രധാനമന്ത്രി ഷഹബാസ് ഷെരീഫ് അടക്കമുളളവരെന്ന് ഇമ്രാന് ഖാന് ആരോപിച്ചു.
വധഗൂഢാലോചനയെ കുറിച്ച് തനിക്ക് അറിവുണ്ടായിരുന്നെന്ന് അദ്ദേഹം പറഞ്ഞു. പാകിസ്താന് പ്രധാനമന്ത്രി ഷെഹബാസ് ഷെരീഫ്, ആഭ്യന്തരമന്ത്രി റാണാ സനാവുള്ള, ആര്മി മേജര് ജനറല് ഫൈസല് എന്നിവരാണ് ആക്രമണത്തിന് പിന്നിലെന്നും അദ്ദേഹം ആരോപിച്ചു. മത തീവ്രവാദത്തിന്റെ തിരക്കഥ ഉപയോഗിച്ച് വസീറാബാദ് പട്ടണത്തില് തനിക്കെതിരെ നടന്ന കൊലപാതക ശ്രമത്തില് നാല് വെടിയുണ്ടകള് തന്റെ മേല് പതിച്ചു. വസീറാബാദിലോ ഗുജറാത്തിലോ വെച്ച് അവര് തന്നെ കൊല്ലാന് പദ്ധതിയിട്ടിരുന്നുവെന്ന് താന് തലേ ദിവസം തന്നെ അറിഞ്ഞിരുന്നുന്നതായി ഇമ്രാന് പറഞ്ഞുവെന്നാണ് റിപ്പോര്ട്ട്.
