കണ്ണൂര് : കണിച്ചാര് പഞ്ചായത്തിലെ ഏലപ്പീടികയില് വാനരശല്യത്തെ തുടര്ന്ന് കര്ഷകന് മരത്തില് കയറി ആത്മഹത്യാഭീഷണി മുഴക്കി. പെട്രോളും കയറുമെടുത്താണ് അദ്ദേഹം മരത്തിന് മുകളില് കയറി ഇരിപ്പുറപ്പിച്ചത്. പോലീസ്-വനംവകുപ്പ്-അഗ്നിരക്ഷാസേനാ ഉദ്യോഗസ്ഥര് സ്ഥലത്തെത്തി. നാട്ടുകാര് തടിച്ചുകൂടി.
പ്രശ്നത്തിന് പരിഹാരംകാണാമെന്ന അധികൃതരുടെ ഉറപ്പില് മൂന്ന് മണിക്കൂറിനുശേഷമാണ് കര്ഷകന് മരത്തില്നിന്ന് താഴെയിറങ്ങിയത്. ആത്മഹത്യാ ഭീഷണി മുഴക്കിയ ആളുടെ വീട്ടില് ആഴ്ചകളുടെ ഇടവേളകളില് പലതവണയാണ് കുരങ്ങുകള് എത്തിയത്. കണ്ണില്ക്കണ്ട ഒന്നും ബാക്കിവെച്ചില്ല. അടുക്കള ഉപകരണങ്ങളും വസ്ത്രങ്ങളും തുണിത്തരങ്ങളും കാര്ഷികവിളകളും തുടങ്ങി ടി.വി. ഉള്പ്പെടെയുള്ള ഇലക്ട്രോണിക് സാധനങ്ങള് വരെ തവിടുപൊടിയാക്കി. ഇത് ഒറ്റപ്പെട്ട സംഭവമല്ല. ജില്ലയുടെ പല ഭാഗങ്ങളിലായി സമാന സംഭവങ്ങളുണ്ടാകുന്നു. പണ്ട് മലയോരമേഖലകളില് മാത്രം ഒതുങ്ങിനിന്ന ഇത്തരം സംഭവങ്ങള് നഗരപ്രദേശങ്ങളിലേക്കും വ്യാപിചിരിക്കുകയാണ്.
