ചെങ്ങന്നൂര് : എസ്.എന്.ഡി.പി.യൂണിയനും എറണാകുളം മുക്തിഭവന് കൗണ്സിലിംഗ് സെന്ററിന്റെ സഹകരണത്തോടെ നടത്തുന്ന വിവാഹപൂര്വ്വ കൗണ്സിലിംഗ് ക്ലാസിന്റെ ഉദ്ഘാടനം യൂണിയന് ചെയര്മാന് അനില് അമ്പാടി നിര്വഹിച്ചു. യൂണിയന് കമ്മിറ്റി അംഗം അനില് കണ്ണാടിയുടെ അദ്ധ്യക്ഷതയില് കൂടിയ യോഗത്തില് ഡോ.അനൂപ് വൈക്കം, വനിതാസംഘം യൂണിയന് പ്രസിഡന്റ് ഐഷാ പുരുഷോത്തമന്, സെക്രട്ടറി റീന അനില്, കോഡിനേറ്റര് ശ്രീകല സന്തോഷ്, യൂത്ത്മൂവ്മെന്റ് യൂണിയന് സെക്രട്ടറി രാഹുല് രാജ്, സൈബര് സേന യൂണിയന് ചെയര്മാന് പ്രദീപ് ചെങ്ങന്നൂര്, ധര്മ്മസേന കോഡിനേറ്റര് വിജിന്രാജ് എന്നിവര് സംസാരിച്ചു. യൂണിയന് കമ്മിറ്റി അംഗങ്ങളായ മോഹനന് കൊഴുവല്ലൂര് സ്വാഗതവും കെ.ആര്.മോഹനന് നന്ദിയും പറഞ്ഞു. ക്ലാസ് നാളെ വൈകീട്ട് 4.00 ന് സമാപിക്കും. പഠിതാക്കള്ക്കുള്ള സര്ട്ടിഫിക്കറ്റ് വിതരണം യൂണിയന് കണ്വീനര് അനില് പി.ശ്രീരംഗം നിര്വഹിക്കും.
