പത്തനംതിട്ട : എൽ.ഡി.എഫിൽ ഇന്ത്യൻ നാഷണൽ ലീഗിന്റെ പ്രാതിനിധ്യം ഉറപ്പാണെന്ന് സംസ്ഥാന അഡ്ഹോക് കമ്മിറ്റി അംഗം കാസിം ഇരിക്കൂർ. ഇടതുമുന്നണിയുമായുള്ള ബന്ധം തകർക്കാൻ ശ്രമിക്കുന്നവർ സ്വയം ഇല്ലാതാവുമെന്നും അദ്ദേഹം പറഞ്ഞു. പത്തനംതിട്ടയിൽ ഐ.എൻ.എൽ ജില്ലാ കൺവൻഷൻ ഉദ്ഘാടനം ചെയ്യുകയായിരുന്നു അദ്ദേഹം.
ജില്ലാ പ്രസിഡന്റ് ബിജു മുസ്തഫ അദ്ധ്യക്ഷത വഹിച്ചു. ദേശീയ ട്രഷറർ ഡോ.എ.എ. അമീൻ മുഖ്യപ്രഭാഷണം നടത്തി. നാഷണൽ ലേബർ യൂണിയൻ സംസ്ഥാന പ്രസിഡന്റ് എ.പി. മുസ്തഫ, ജില്ലാ ജനറൽ സെക്രട്ടറി എ.എസ്.എം. ഹനീഫ, അബ്ദുൽ ഷുക്കൂർ, നിസാർ നൂർമഹൽ, ഷിബു ജോസഫ്, നജീബ് ചുങ്കപ്പാറ, ഇ.എസ്. അബ്ദുൽ ജബ്ബാർ, റെയ്നാ ജോർജ്, സബീന സാലി, രാജൻ സുലൈമാൻ എന്നിവർ പ്രസംഗിച്ചു.
