Tuesday, July 1, 2025 11:12 pm

അത്യാധുനിക സൗകര്യങ്ങളോടുകൂടിയ മലയാലപ്പുഴ പോലീസ് സ്റ്റേഷൻ ഉത്ഘാടനം നാളെ

For full experience, Download our mobile application:
Get it on Google Play

പത്തനംതിട്ട : അത്യാധുനിക സൗകര്യങ്ങളോടുകൂടിയ പുതിയ മലയാലപ്പുഴ പോലീസ് സ്റ്റേഷന്റെ ഉത്ഘാടനം നാളെ നടക്കും. മുഖ്യമന്ത്രി പിണറായി വിജയൻ വൈകിട്ട് 3.30 ന് വീഡിയോ കോൺഫറൻസിങ്ങിലൂടെയാണ് ഉത്ഘാടനം നിർവഹിക്കുന്നത്. തദവസരത്തിൽ പുതിയ പോലീസ് സ്റ്റേഷൻ അങ്കണത്തിൽ നടക്കുന്ന പൊതുസമ്മേളനത്തിൽ സംസ്ഥാന ആരോഗ്യ വനിതാ ശിശു വികസന വകുപ്പ് മന്ത്രി വീണാ ജോർജ്ജ് അധ്യക്ഷത വഹിക്കും. എം.പി ആന്റോ ആന്റണി, എം എൽ എ മാരായ കെ.യു ജനീഷ് കുമാർ, പ്രമോദ് നാരായണൻ എന്നിവർ മുഖ്യാതിഥികളായി പങ്കെടുക്കും.

നിലവിൽ പോലീസ് സ്റ്റേഷൻ പ്രവർത്തിച്ചുവരുന്ന പഴയ കെട്ടിടത്തിനു സമീപം, മലയാലപ്പുഴ പഞ്ചായത്ത് ഓഫീസിനോട് ചേർന്ന പത്തര സെന്റ് വസ്തുവിലാണ് അത്യാധുനിക സൗകര്യങ്ങളോടുകൂടിയ പുതിയ കെട്ടിടം നിർമിച്ചത്. മലയാലപ്പുഴയിൽ പോലീസ് സ്റ്റേഷന്റെ പ്രവർത്തനം ആരംഭിച്ചത് 2016 ജനുവരി പതിനാറിനായിരുന്നു. ആദ്യ എസ്എച്ച്ഓ എസ്ഐ എസ്.ജയകുമാർ ആയിരുന്നു. പുതിയ കെട്ടിടത്തിന്റെ നിർമാണം തുടങ്ങിയത് 2019 ഡിസംബർ 12 നാണ്. 97 ലക്ഷം രൂപയാണ് കെട്ടിട നിർമാണചെലവ്. 2018 ലെ സ്റ്റേറ്റ് പ്ലാൻ സ്കീൽ ഉൾപെടുത്തിയാണ് നിർമാണം നടത്തിയത്. രണ്ടു ഘട്ടമായാണ് പണി പൂർത്തീകരിച്ചത്.

കെട്ടിടത്തിന്റെ ആകെ വിസ്തീർണം 4466 സ്ക്വയർ ഫീറ്റ് ആണ്. മലയാലപ്പുഴ പഞ്ചായത്ത് മുഴുവനും വടശ്ശേരിക്കര പഞ്ചായത്തിന്റെ 6 വാർഡുകളും മൈലപ്ര പഞ്ചായത്തിന്റെ ഒരു വാർഡും ഉൾപ്പെടുന്നതാണ് സ്റ്റേഷന്റെ അധികാരപരിധി. നൂതന സൗകര്യങ്ങളോടുകൂടിയ എസ്എച്ച്ഓ യുടെ മുറി, എസ്ഐ മാരുടെ മുറി, പോലീസ് ഉദ്യോഗസ്ഥർക്കുള്ള വിശ്രമമുറി, റിസപ്ഷൻ, സന്ദർശകർക്കുള്ള സ്ഥലം, റൈറ്റർമാർക്കുള്ള മുറി, തൊണ്ടി റൂം, ക്രൈം വിംഗ്, സി സി ടി എൻ എസ് മുറി, ബെൽ ഓഫ് ആംസ്, സ്ത്രീകൾക്കും പുരുഷന്മാർക്കും പ്രത്യേകമായുള്ള ലോക്ക് അപ്പ് തുടങ്ങിയ സൗകര്യങ്ങൾ ആധുനിക സംവിധാനങ്ങൾ പുതിയ സ്റ്റേഷൻ കെട്ടിടത്തിൽ ഒരുക്കിയിട്ടുണ്ട്.

ജില്ലാ പോലീസ് മേധാവി സ്വപ്‌നിൽ മധുകർ മഹാജൻ ഐ പി എസ് സ്വാഗതം പറയും. പി ഡബ്ലിയു ഡി എഞ്ചിനീയർ ഷീനാ രാജൻ റിപ്പോർട്ട്‌ അവതരിപ്പിക്കും. തിരുവനന്തപുരം റേഞ്ച് ഡി ഐ ജി ആർ.നിശാന്തിനി ഐ പി എസ്, ജില്ലാ പഞ്ചായത്ത് പ്രസിഡന്റ്‌ അഡ്വ.ഓമല്ലൂർ ശങ്കരൻ, അഡിഷണൽ എസ് പി ബിജി ജോർജ്ജ്, ജില്ലാ പഞ്ചായത്ത് അംഗം ജിജോ മോഡി, ബ്ലോക്ക് പഞ്ചായത്ത്‌ അംഗം സുജാത അനിൽ, മലയാലപ്പുഴ ഗ്രാമപഞ്ചായത്ത് പ്രസിഡന്റ്‌ ശീലാകുമാരി, വടശ്ശേരിക്കര ഗ്രാമ പഞ്ചായത്ത് പ്രസിഡന്റ്‌ ലതാമോഹൻ, മൈലപ്ര ഗ്രാമപഞ്ചായത്ത് പ്രസിഡന്റ്‌ ചന്ദ്രിക സുനിൽ കോന്നി ഗ്രാമപഞ്ചായത്ത് പ്രസിഡന്റ്‌ സുലേഖ വി നായർ, വാർഡ്‌ അംഗം സുമ രാജാശേഖരൻ, പോലീസ് ഓഫീസേർസ് അസോസിയേഷൻ ജില്ലാ സെക്രട്ടറി കെ.ബി അജി, പോലീസ് അസോസിയേഷൻ ജില്ലാ സെക്രട്ടറി ജി.സക്കറിയ എന്നിവർ ആശംസകൾ അർപ്പിക്കും. പത്തനംതിട്ട ഡി വൈ എസ് പി എസ് നന്ദകുമാർ കൃതജ്ഞത പ്രകാശിപ്പിക്കും.

dif
ncs-up
rajan-new
previous arrow
next arrow
Advertisment
life new add up
silpa-up
asian
WhatsAppImage2022-07-31at72444PM
life-line
previous arrow
next arrow

FEATURED

ജാഗ്രത പാലിക്കണം ; ഏതുസമയത്തും ഇടപ്പോണ്‍ 220 കെ വി സബ് സ്‌റ്റേഷനില്‍ നിന്ന്...

0
ഇടപ്പോണ്‍ മുതല്‍ അടൂര്‍ സബ്‌സ്‌റ്റേഷന്‍ വരെയുളള 66 കെവി ലൈന്‍ 220/110...

വായന പക്ഷാചരണം സമാപന സമ്മേളനം ജൂലൈ ഏഴിന് പത്തനംതിട്ടയില്‍; മന്ത്രി സജി ചെറിയാന്‍ ഉദ്ഘാടനം...

0
പത്തനംതിട്ട : വായന പക്ഷാചരണം സമാപന സമ്മേളനം ജൂലൈ ഏഴിന് പത്തനംതിട്ട...

അടൂര്‍ ഐഎച്ച്ആര്‍ഡി എഞ്ചിനീയറിംഗ് കോളജില്‍ തസ്തികകളിലേക്കുള്ള ഒഴിവുകളിലേക്ക് അഭിമുഖം

0
അടൂര്‍ ഐഎച്ച്ആര്‍ഡി എഞ്ചിനീയറിംഗ് കോളജില്‍ കമ്പ്യൂട്ടര്‍ പ്രോഗ്രാമര്‍, ഫോര്‍മാന്‍ (കമ്പ്യൂട്ടര്‍), ഡെമോണ്‍സ്‌ട്രേറ്റര്‍/വര്‍ക്ക്‌ഷോപ്പ്...

അടൂര്‍ എല്‍ബിഎസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജി സബ് സെന്ററില്‍ സീറ്റ് ഒഴിവ്

0
അടൂര്‍ എല്‍ബിഎസ് സെന്റര്‍ ഫോര്‍ സയന്‍സ് ആന്‍ഡ് ടെക്‌നോളജി സബ് സെന്ററില്‍...