കൊച്ചി : ദേശീയ പാതകളിലെ കുഴിയിൽ വീണുണ്ടാകുന്ന അപകടങ്ങൾക്ക് ആരാണ് ഉത്തരവാദിയെന്ന് ജസ്റ്റിസ് ദേവൻ രാമചന്ദ്രൻ. കുഴിയില് വീണുണ്ടായ അപകടങ്ങളെല്ലാം മനുഷ്യ നിർമ്മിത ദുരന്തങ്ങളെന്ന് ഹൈക്കോടതി വിമര്ശിച്ചു. കൊച്ചി നെടുമ്പാശേരിയിലുണ്ടായ അപകടത്തിന്റെ പശ്ചാത്തലത്തിലാണ് ഹൈക്കോടതി വിഷയത്തിൽ ഇടപെട്ടത്.
ഇതിന് മുമ്പും ഈ വിഷയത്തില് കോടതി വിമര്ശനം ഉയര്ത്തിയിരുന്നു. ജനങ്ങളോട് നിങ്ങള് സുരക്ഷിതരായിരിക്കണം, ഹെല്മെറ്റ് വെക്കണം, സീറ്റ് ബെല്റ്റ് ഇടണം എന്നു പറയുന്നതിനൊപ്പം തന്നെ റോഡ് പരിപാലിക്കുന്നവര് തങ്ങള് ചെയ്യുന്നത് കൃത്യമാണെന്ന് ജനങ്ങള്ക്ക് ഒരു ഉറപ്പ് കൊടുക്കണം. നമ്മള് റോഡില് കാണുന്ന എല്ലാ നിയമലംഘനങ്ങളും ജനങ്ങള് ഉണ്ടാക്കുന്നതല്ല. അധികൃതര് കണ്ണടയ്ക്കുന്നതോ, അധികൃതര് ഉണ്ടാക്കുന്നതോ ആണ്. കുഴി ജനങ്ങളുണ്ടാക്കുന്നതല്ല. നമ്മളാരും പിക്കാസ് കൊണ്ടുപോയി കുഴി ഉണ്ടാക്കുന്നില്ല തുടങ്ങി രൂക്ഷ വിമര്ശനമാണ് കോടതി നേരത്തേ ഉന്നയിച്ചത്.
