പത്തനംതിട്ട : സഹകരണ വകുപ്പ് അംഗസമാശ്വാസ നിധി ജില്ലാതല വിതരണ ഉദ്ഘാടനം പത്തനംതിട്ട കേരള ബാങ്ക് ഓഡിറ്റോറിയത്തില് അബിന് വര്ക്കി എംഎല്എ നിര്വഹിച്ചു. ജില്ല സഹകരണ സംഘം ജോയിന്റ് രജിസ്ട്രാര് (ജനറല്) കെ. സി. വിജയകുമാര് അധ്യക്ഷത വഹിച്ചു. അസിസ്റ്റന്റ് രജിസ്ട്രാര് (പ്ലാനിംഗ്) ഷാജി ജോണ്, അസിസ്റ്റന്റ് രജിസ്ട്രാര്മാരായ ബിനു കെ. സാം, സോണി സി. കോശി, വി. ബിനു, കെ. സുലോചന, അസിസ്റ്റന്റ് ഡയറക്ടര്മാരായ സി. റീന, ബി. രേണുക, എസ്. ഷൈല, ഇ. എസ്. സിമി, അസിസ്റ്റന്റ് രജിസ്ട്രാര് (പട്ടികജാതി/പട്ടികവര്ഗ) എസ്. വിമലകുമാരി, സംഘം പ്രതിനിധികളായ പ്രസാദ് മാത്യു, ഗോപകുമാര്, ജില്ലയിലെ സഹകരണ സംഘങ്ങളില് നിന്നുള്ള ഗുണഭോക്താക്കള്, സംഘം പ്രസിഡന്റുമാര്, സെക്രട്ടറിമാര്, സഹകാരികള്, സംഘം ജീവനക്കാര്, വകുപ്പ് ഉദ്യോഗസ്ഥര് തുടങ്ങിയവര് പങ്കെടുത്തു.
കേരള സര്ക്കാര് സഹകരണ വകുപ്പ് വഴി സഹകരണ മേഖലയില് നടപ്പാക്കുന്ന സഹകരണ അംഗസമാശ്വാസ പദ്ധതി പ്രകാരം സഹകരണ സംഘങ്ങളിലെ അംഗങ്ങളില് മാരകരോഗ ബാധിതര് (അര്ബുദം, വൃക്കരോഗം ബാധിച്ച് ഡയാലിസിസിന് വിധേയരായികൊണ്ടിരിക്കുന്നവര്, പരാലിസിസ് ബാധിച്ച് ശയ്യാവലംബരായവര്, കരള് സംബന്ധമായ ഗുരുതരമായ അസുഖം ബാധിച്ചവര്, ഹൃദയ ശസ്ത്രക്രിയയ്ക്ക് വിധേയരായവര്), വാഹനാപകടത്തില്പ്പെട്ട് അംഗവൈകല്യം സംഭവിച്ചവര്, മാതാപിതാക്കള് എടുത്ത വായ്പക്ക് ബാധ്യതപ്പെട്ട കുട്ടികള് എന്നിവര്ക്ക് സാമ്പത്തിക സഹായം നല്കുന്നുണ്ട്. പദ്ധതി പ്രകാരം ജില്ലയിലെ ആറ് താലൂക്കുകളില് നിന്നുള്ള 12 സഹകരണ ബാങ്കുകള്/സംഘങ്ങളില് നിന്നുള്ള 56 അംഗങ്ങള്ക്ക് 11,90,000 രൂപ (പതിനൊന്ന് ലക്ഷത്തി തൊണ്ണൂറായിരം രൂപ) അനുവദിച്ചിട്ടുണ്ട്.
