വെച്ചൂച്ചിറ: വെച്ചൂച്ചിറ ഗ്രാമ പഞ്ചായത്ത് കൂത്താട്ടുകുളം എസ് സി കമ്മ്യൂണിറ്റി ഹാളിന്റെ ഒന്നാം നിലയുടെ നിർമ്മാണ ഉദ്ഘാടനം ആന്റോ ആന്റണി എം പി നിർവഹിച്ചു. ഗ്രാമ പഞ്ചായത്ത് പ്രസിഡന്റ് ടി.കെ.ജയിംസ് അദ്ധ്യക്ഷത വഹിച്ചു. എം പി യുടെ പ്രാദേശിക വികസന ഫണ്ടിൽ നിന്ന് 24 ലക്ഷം ഉപയോഗിച്ചാണ് ഒന്നാം നില നിർമ്മിക്കുന്നത്. വെച്ചൂച്ചിറ ഗ്രാമ പഞ്ചായത്തും മുൻ രാജ്യ സഭ ഉപാദ്ധ്യക്ഷൻ പ്രൊഫ. പി ജെ കുര്യന്റെ പ്രാദേശിക വികസന ഫണ്ടിൽ നിന്നാണ് ഗ്രൗണ്ട് ഫ്ലോർ പണിതത്. വൈസ് പ്രസിഡന്റ് പൊന്നമ്മ ചാക്കോ, സ്റ്റാന്റിങ് കമ്മറ്റി ചെയർമ്മാൻമാരയ ഇ.വി.വർക്കി, രമാദേവി, പഞ്ചായത്തംഗങ്ങളായ റ്റി കെ രാജൻ, ജോയി ജോസഫ്, പ്രസന്നകുമാരി, രാഷ്ട്രീയ കഷി നേതാക്കളായ ഷാജി തോമസ്,സുരേഷ് കുമാർ പി.എ.ഫിലിപ്പ് എന്നിവർ പ്രസംഗിച്ചു.
