പത്തനംതിട്ട : യൂത്ത് കോൺഗ്രസ് മൈലപ്രാ മണ്ഡലത്തിന്റെ ആഭിമുഖ്യത്തിൽ സിപിഎം /ഡി.വൈ. എഫ്. ഐ. ഗുണ്ടകൾ അതിദാരുണമായി കൊലപ്പെടുത്തിയ ധീര രക്തസാക്ഷികളായ ശരത് ലാൽ – കൃപേഷ് എന്നിവരുടെ രക്തസാക്ഷിത്വ ദിന അനുസ്മരണവും പുഷ്പാർച്ചനയും പത്തിരപ്പടി ജംഗ്ഷനിൽ വെച്ച് നടത്തപ്പെട്ടു. യൂത്ത് കോൺഗ്രസ് മണ്ഡലം പ്രസിഡണ്ട് ആകാശ് മാത്യൂ വർഗീസിന്റെ അദ്ധ്യക്ഷതയിൽ കൂടിയ അനുസ്മരണയോഗം മഹിളാ കോൺഗ്രസ് മണ്ഡലം പ്രസിഡന്റ് മഞ്ജു സന്തോഷ് ഉദ്ഘാടനം ചെയ്തു. ബൂത്ത് പ്രസിഡന്റ് ലിബു മാത്യു അനുസ്മരണ പ്രഭാഷണം നടത്തി. കോൺഗ്രസ് മണ്ഡലം പ്രസിഡന്റ് വിൽസൺ തുണ്ടിയത്, അഭിജിത്ത് സന്തോഷ്, റോബിൻ യോഹന്നാൻ, ജെസ്വിൻ ജോസ് ഡേവിഡ്, സാംകുട്ടി പാലമൂട്ടിൽ, മോഹൻ കാറ്റാടി, തങ്കച്ചൻ തെങ്ങണയിൽ എന്നിവർ പ്രസംഗിച്ചു.
