ചെന്നൈ: തമിഴ്നാട്ടില് ആദായനികുതി വകുപ്പ് നടത്തിയ റെയ്ഡില് 220 കോടിയുടെ അനധികൃത സമ്പാദ്യം പിടിച്ചെടുത്തു. ടൈല്സും സാനിട്ടറിവെയറുകളും നിര്മിക്കുന്ന കമ്പനിയിലാണ് റെയ്ഡ് നടത്തിയത്.
ഫെബ്രുവരി 26ന് തമിഴ്നാട്, ഗുജറാത്ത്, കൊല്ക്കത്ത എന്നിവിടങ്ങളിലെ 20 ഓളം ഇടങ്ങളിലായിരുന്നു പരിശോധന. 8.30 കോടി രൂപയും കണ്ടെടുത്തവയില് ഉള്പ്പെടും. 220കോടിയുടെ ഉറവിടം വ്യക്തമല്ല.
ദക്ഷിണേന്ത്യയിലെ പ്രമുഖ ടൈല്സ് നിര്മാണ കമ്പനിയിലായിരുന്നു പരിശോധന. ഇവയുടെ ഉറവിടം വ്യക്തമാക്കാന് ഉടമകള്ക്ക് സാധിച്ചിട്ടില്ല. തമിഴ്നാട്ടില് തെരഞ്ഞെടുപ്പിനോട് അനുബന്ധിച്ച് ആദായനികുതി വകുപ്പ് കനത്ത നിരീക്ഷണത്തിലാണ്. വോട്ടര്മാരെ സ്വാധീനിക്കാന് പണം ഒഴുക്കുന്നത് തടയുന്നതിനായാണ് ഇത്.
