റോം : കൊവിഡ്19 ബാധിതരുടെ എണ്ണം നിയന്ത്രണാതീതമായി വര്ധിച്ചതോടെ രൂക്ഷമായ മരുന്ന് ക്ഷാമം നേരിട്ട് ഇറ്റലി. രാജ്യത്ത് കൊവിഡ് ബാധിച്ചവരുടെ എണ്ണം 27,980 കടന്നു. രോഗബാധിതരുടെ എണ്ണം ക്രമാതീതമായതോടെ 80 വയസുകഴിഞ്ഞ രോഗികളെ അവഗണിച്ച് പ്രായം കുറഞ്ഞവര്ക്ക് ചികിത്സാ മുന്ഗണന നല്കണമെന്ന് സര്ക്കാര് ആരോഗ്യകേന്ദ്രങ്ങള്ക്ക് നിര്ദേശം നല്കി എന്നാണ് റിപ്പോര്ട്ട്.
80 വയസുകഴിഞ്ഞ അതിതീവ്ര പരിചരണം ആവശ്യമുള്ള രോഗികളെ ഡോക്ടര്മാര് ഒഴിവാക്കുന്നുവെന്നാണ് ‘ദ ടെലിഗ്രാഫ്’ റിപ്പോര്ട്ട് ചെയ്തത്. ആശുപത്രികളിലും താല്ക്കാലിക ആരോഗ്യ ക്യാമ്പുകളിലും സൗകര്യങ്ങള് പരിമിതമായതുകൊണ്ടാണ് പ്രായമേറിയ രോഗബാധിതര്ക്ക് തീവ്രപരിചരണം നിഷേധിക്കപ്പെടുന്നത്. അടിയന്തര സാഹചര്യം പരിഗണിച്ച് 80 വയസിനു താഴെയുള്ള രോഗബാധിതര്ക്ക് മുന്ഗണന നല്കി തീവ്രപരിചരണം നല്കണമെന്നാണ് സിവില് പ്രൊട്ടക്ഷന് വകുപ്പിന്റെ നിര്ദേശത്തിലുള്ളത്.
വ്യക്തിയുടെ വയസും ആരോഗ്യനിലയും പരിഗണിച്ചാണ് ചികിത്സ നല്കുന്നത്. വൈറസ് ബാധയുള്ള വയോധികര്ക്ക് അതിതീവ്രപരിചരണം ആവശ്യമായി വരുന്നു. സുഖം പ്രാപിക്കാന് സാധ്യതയുള്ള രോഗികള്ക്ക് പ്രഥമ പരിഗണന നല്കണമെന്നാണ് നിര്ദേശത്തിലുള്ളതെന്നും ഡോക്ടര്മാര് പറയുന്നു.
നിലവിലുള്ള സാഹചര്യത്തില് കൊവിഡ്19 രോഗികളുടെ എണ്ണവും മെഡിക്കല് സൗകര്യങ്ങളുടെ ആവശ്യങ്ങളും തമ്മില് സന്തുലിതമാകാത്ത അവസ്ഥയാണുള്ളത്. അതിജീവന സാധ്യതയുള്ളവരെ തിരിച്ചുകൊണ്ടുവരിക എന്നതിലൂന്നി പ്രവര്ത്തിക്കുകയെന്നല്ലാതെ മറ്റൊന്നും ചെയ്യാന് കഴിയാത്ത സാഹചര്യമാണ് രാജ്യത്തുള്ളതെന്നും വിദഗ്ധര് പറയുന്നു.
പ്രായം കുറഞ്ഞവര്ക്ക് കൂടുതല് ചികിത്സാ പരിഗണനയെന്നതുള്പ്പെടെ മാര്ഗനിര്ദേശങ്ങളടങ്ങിയ കരട് സാങ്കേതിക -ശാസ്ത്രീയ സമിതി പരിശോധനക്ക് ശേഷം സര്ക്കാര് അനുമതിയോടെ എല്ലാ ആരോഗ്യകേന്ദ്രങ്ങളിലേക്കും അയച്ചതായാണ് റിപ്പോര്ട്ട്. ഇറ്റലിയില് ഇതുവരെ 2,158 പേരാണ് മരിച്ചത്. ചികിത്സ തേടിയ 2,749 പേര് രോഗവിമുക്തരായി.