മടപ്പള്ളി : മടപ്പള്ളി ഗവ.ഗേൾസ് ഹയർ സെക്കന്ററി സ്കൂളിൽ സ്വാതന്ത്രിയത്തിന്റെ 75ാം വാർഷികം വിവിധ പരിപാടികളുമായി ആഘോഷിച്ചു. പരിപാടിയുടെ പ്രധാന ആകർഷണമായിരുന്നു സ്കൂൾ ഗ്രൗണ്ടിൽ 25 മീറ്റർ നീളത്തിൽ നിർമ്മിച്ച ഫ്രീഡം വാൾ. രാവിലെ 9.30 ന് ഹയർ സെക്കന്ററി പ്രിൻസിപ്പാൾ നിഷ സി കെ പതാക ഉയർത്തികൊണ്ട് ആഘോഷ പരിപാടികൾക്ക് തുടക്കം കുറിച്ചു.
ഹെഡ് മാസ്റ്റർ ഇൻ ചാർജ് പ്രീത.ടി.വി , പി.ടി.എ പ്രസിഡന്റ് മനോജ് പി , കോസ്റ്റൽ പോലീസ് എ എസ് ഐ സജീവൻ എന്നിവർ സ്വാതന്ത്യദിനാശംസകൾ നേർന്നു. ത്രിവർണത്തുണിയിൽ ഉണ്ടാക്കിയ ഫ്രീഡം വാളിന് മുമ്പിൽ സ്വാതന്ത്ര്യ ജ്യോതി തെളിയിച്ചു കൊണ്ട് വിദ്യാർത്ഥികളുടെയും അധ്യാപകരുടെയും കലാപരിപാടികൾ അരങ്ങേറി. വർണ്ണാഭമായ ചടങ്ങിൽ നിരവധി രക്ഷിതാക്കളും സന്നിഹിതരായിരുന്നു. വിദ്യാർത്ഥികളും അധ്യാപകരും പങ്കെടുത്ത സ്വാതന്ത്ര്യാമൃതഘോഷയാത്രയോടെ പരിപാടികൾ അവസാനിച്ചു.