ഡല്ഹി: 75-ാം സ്വാതന്ത്ര്യ ദിനത്തിന്റെ നിറവില് ഇന്ത്യ. സ്വാതന്ത്ര്യദിനത്തോടനുബന്ധിച്ച് ധീരതയ്ക്കുള്ള പുരസ്കാരങ്ങള് പ്രഖ്യാപിച്ചു. പുല്വാമയില് രണ്ട് ഭീകരവാദികളെ വധിച്ച് അസാധാരണ ധീരത പ്രകടിപ്പിച്ച നായിക് ദേവേന്ദ്ര പ്രതാപ് സിംഗിനെ കീര്ത്തി ചക്ര നല്കി രാജ്യം ആദരിച്ചു. സമാധാന കാലത്തെ രണ്ടാമത്തെ ഉയര്ന്ന ബഹുമതിയാണ് കീര്ത്തിചക്ര.2022 ജനുവരി 29 ന് പുല്വാമയില് നടന്ന ഓപ്പറേഷനില് നായിക് രണ്ട് കൊടും ഭീകരരെ വെടിവെപ്പില് വധിച്ചിരുന്നു. അസാധാരണമായ ധീരത പ്രകടിപ്പിച്ചാണ് അദ്ദേഹം ഏറ്റുമുട്ടിയത്. വീര്യം, ധീരത, ആത്മത്യാഗം എന്നിവയ്ക്കുള്ള രാജ്യത്തിന്റെ സൈനിക ബഹുമതിയാണ് കീര്ത്തി ചക്ര.
മൂന്ന് കീര്ത്തി ചക്രങ്ങളും 13 ശൗര്യ ചക്രങ്ങളും ഉള്പ്പെടുന്ന 107 ധീരത പുരസ്കാരങ്ങള്ക്കാണ് രാഷ്ട്രപതി ദ്രൗപതി മുര്മു സ്വാതന്ത്ര്യദിനത്തില് സമ്മാനിക്കുന്നതിനായി അംഗീകാരം നല്കിയത്.രണ്ട് ബാര് സേന മെഡലുകള്, 81 സേന മെഡലുകള്, ഒരു നവോ സേന മെഡല്, ഏഴ് വായുസേന മെഡലുകള് എന്നിവയും പ്രഖ്യാപിച്ചു.എട്ട് കരസേനാംഗങ്ങള്, നാവികസേനയിലെ ഒരു ഉദ്യോഗസ്ഥന്, രണ്ട് പേര്ക്ക് മരണാനന്തര ബഹുമതിയായും ശൗര്യ ചക്ര നല്കി ആദരിച്ചു.കര്ണ് വീര് സിംഗ്, രാജ്പുത്,ജിഎന്ആര് ജസ്ബീര് സിംഗ് എന്നിവര്ക്ക് മരണാന്തര ബഹുമതിയായും മജ് നിതിന് ധനിയ,മജ് അമിത് ദാഹിയ,മജ് സന്ദീപ് കുമാര്, ഹാവ് ഘന്ശ്യാം, ലെഫ്റ്റന്ഡ് രാഘവേന്ദ്ര സിംഗ്, നാവിക സേന ഉദ്യോഗസ്ഥന് മജ് അഭിഷേക് സിംഗ് എന്നിവരെയാണ് ശൗര്യ ചക്ര നല്കി ആദരിച്ചത്.
