ന്യൂഡല്ഹി: ജനാധിപത്യത്തിന്റെ അമ്മയാണെന്ന് ഇന്ത്യ തെളിയിച്ചുവെന്ന് പ്രധാനമന്ത്രി നരേന്ദ്ര മോദി. 75 വര്ഷത്തെ ഇന്ത്യയുടെ യാത്ര ഉയര്ച്ച താഴ്ചകള് നിറഞ്ഞതായിരുന്നു. വെല്ലുവിളികള്ക്കിടയിലും രാജ്യം മുന്നേറി. നമ്മുടെ രാജ്യത്തെ ജനങ്ങള് ഒരിക്കലും കീഴടങ്ങിയില്ല. സ്വാതന്ത്ര്യം നേടിയപ്പോള് നമ്മുടെ വികസനപാതയെ സംശയിച്ച നിരവധി പേരുണ്ടായിരുന്നു. പക്ഷേ ഈ നാട്ടിലെ ജനങ്ങളുടെ കാര്യത്തില് വ്യത്യസ്തമായ ഒരു കാര്യമുണ്ടെന്ന് അവര്ക്കറിയില്ലായിരുന്നു.
ഈ മണ്ണ് പ്രത്യേകതകള് നിറഞ്ഞതാണ്. വൈവിധ്യമാണ് ഇന്ത്യയുടെ ശക്തി. ഇന്ത്യയിലെ സ്വാതന്ത്ര്യസമരസേനാനികളുടെ പേരുകള് പരാമര്ശിച്ചാണ് 76ാം സ്വാതന്ത്ര്യദിനത്തില് പ്രധാനമന്ത്രി പ്രസംഗത്തിന് തുടക്കമിട്ടത്. മഹാത്മ ഗാന്ധി, സുഭാഷ് ചന്ദ്രബോസ്, അംബേദ്കര്, ജവഹര്ലാല് നെഹ്റു എന്നിവര്ക്കൊപ്പം സവര്ക്കറുടെ പേരും പ്രധാനമന്ത്രി പരാമര്ശിച്ചു. ജവഹര്ലാല് നെഹ്റുവിന്റെ പേരും മോദി പരാര്ശിച്ചു.
