ഡല്ഹി : ഇന്ത്യ- ചൈന സംഘര്ഷത്തില് ചൈനയെ സഹായിക്കാന് പാകിസ്താനും അവിടുത്തെ ഭീകര സംഘടനകളും കൈകോര്ക്കുന്നുവെന്നാണ് പുറത്തുവരുന്ന പുതിയ സൂചനകള്. പാക് അധീന മേഖലയായ ഗില്ജിത് ബാള്ട്ടിസ്താനിലേക്ക് പാകിസ്താന് കൂടുതല് സൈനികരെ വിന്യസിച്ചുവെന്നാണ് പുതിയ റിപ്പോര്ട്ടുകള്. ഇതിന് പുറമെ പാകിസ്താനിലെ അല് ബാദര് എന്ന ഭീകര സംഘടനയുമായി ചൈനീസ് സൈന്യം ചര്ച്ചകള് നടത്തിയെന്നും കശ്മീരില് ഭീകരാക്രമണം നടത്താന് പദ്ധതിയിടുന്നുവെന്നും ഇന്റലിജന്സ് വൃത്തങ്ങള് മുന്നറിയിപ്പ് നല്കുന്നു.
