ഡല്ഹി : കൊവിഡ് നിയന്ത്രണങ്ങളെ തുടര്ന്ന് ഇന്ത്യയിലേക്ക് എത്തുന്നവരുടെ യാത്രാവിലക്കില് ഏര്പ്പെടുത്തിയിരുന്ന നിയന്ത്രണങ്ങള്ക്ക് ഇളവ്. വിദേശികള്ക്കും ഒസിഐ (ഓവര്സീസ് സിറ്റിസന് ഓഫ് ഇന്ത്യ) കാര്ഡുള്ളവര്ക്കും വിനോദ സഞ്ചാരം ഒഴികെയുള്ള ആവശ്യങ്ങള്ക്ക് ഇന്ത്യയിലേക്ക് വരാം.
ഇതനുസരിച്ച്, ഇന്ത്യയിലേക്ക് വരാനും പോകാനും ആഗ്രഹിക്കുന്ന വിദേശികള്ക്കും ഇന്ത്യന് വംശജര്ക്കും വിസ, യാത്ര നിയന്ത്രണങ്ങളില് ഏര്പ്പെടുത്തിയിരിക്കുന്ന നിയന്ത്രണങ്ങള് ഘട്ടംഘട്ടമായി മാറ്റാന് തീരുമാനിച്ചതായി കേന്ദ്ര ആഭ്യന്തര മന്ത്രാലയം അറിയിച്ചു. ഒ.സി.ഐകള്ക്കും വിദേശികള്ക്കും തുറമുഖങ്ങളിലൂടെയും വിമാനത്താവളങ്ങളിലൂടെയും വന്ദേ ഭാരത് മിഷന്റെ ഭാഗമായുള്ള വിമാനങ്ങളിലൂടെയും നോണ് ഷെഡ്യൂള്ഡ് കൊമേഴ്സ്യല് വിമാനങ്ങളിലൂടെയും ഇന്ത്യയിലേക്ക് എത്താവുന്നതാണ്.
മാത്രമല്ല, ഇലക്ട്രോണിക് വിസ, ടൂറിസ്റ്റ് വിസ, മെഡിക്കല് വിസ എന്നിവ ഒഴികെയുള്ള എല്ലാ വിസകളും പുനഃസ്ഥാപിക്കാനും സര്ക്കാര് തീരുമാനിച്ചിട്ടുണ്ട്. അതേസമയം, ഇന്ത്യയിലേക്ക് എത്തുന്നവര് രാജ്യത്തെ കൊവിഡ് പ്രോട്ടോക്കോള് കര്ശനമായി പാലിക്കണമെന്നും നിര്ദേശത്തിലുണ്ട്.
