ചെന്നൈ: കോവിഡ് വാക്സിന് ലഭ്യമായാല് തമിഴ്നാട്ടിലും അത് സൗജന്യമായി നല്കുമെന്ന് മുഖ്യമന്ത്രി എടപ്പാടി പളനിസ്വാമി. ബീഹാറിന് പിന്നാലെ തമിഴ്നാടും ഈ പ്രഖ്യാപനം നടത്തുകയാണ്. കോവിഡ് വാക്സിന് ലഭ്യമായാല് അത് സൗജന്യമായി നല്കും. തമിഴ്നാട്ടില് അടുത്ത വര്ഷം തെരഞ്ഞെടുപ്പ് നടക്കാനിരിക്കെയാണ് എടപ്പാടിയുടെ പ്രസ്താവന.
ബി.ജെ.പി അധികാരത്തിലെത്തിയാല് ബീഹാറിലെ ജനങ്ങള്ക്കെല്ലാം സൗജന്യമായി കോവിഡ് വാക്സിന് നല്കുമെന്ന് തെരഞ്ഞെടുപ്പ് പ്രകടനപത്രികയിലാണ് ബി.ജെ.പി വാഗ്ദാനം ചെയ്തത്. കോവിഡ് -19 വാക്സിന് വന് തോതില് ലഭ്യമായി തുടങ്ങിയാല് എല്ലാവര്ക്കും സൗജന്യമായി നല്കുമെന്നാണ് പ്രകടനപത്രിക പുറത്തിറക്കി കൊണ്ട് ധനമന്ത്രി നിര്മല സീതാരാമന് പറഞ്ഞത്. ഇതിനെതിരെ പ്രതിപക്ഷ പാര്ട്ടികള് പ്രതിഷേധവുമായി രംഗത്തെത്തിയിരുന്നു.
വിമര്ശനങ്ങള് രൂക്ഷമായതോടെ മറുപടിയുമായി ബി.ജെ.പിയുടെ ഐ.ടി സെല് അംഗം അമിത് മാല്വിയ രംഗത്തെത്തി. ബി.ജെ.പിയുടെ പ്രകടനപത്രികയില് കോവിഡ് വാക്സിന് സൗജന്യമായി നല്കുമെന്ന വാഗ്ദാനമുണ്ട്. എല്ലാ പദ്ധതികളെയും പോലെ കേന്ദ്രം മിതമായ നിരക്കില് സംസ്ഥാനങ്ങള്ക്ക് വാക്സിനുകള് നല്കും. അത് സൗജന്യമായി നല്കണോ വേണ്ടയോ എന്നത് സംസ്ഥാന സര്ക്കാരുകള് തീരുമാനിക്കാവുന്നതാണ്. സംസ്ഥാനത്തെ ആരോഗ്യത്തിന് പ്രാധാന്യമെന്ന് കരുതുന്നതിനാല് ബിഹാര് ബി.ജെ.പി അത് സൗജന്യമായി നല്കുമെന്ന് പ്രഖ്യാപിക്കുകയായിരുന്നു- അമിത് വിശദീകരിച്ചു.
