ന്യൂഡൽഹി : രാജ്യത്ത് കഴിഞ്ഞ 24 മണിക്കൂറിനിടെ 60,975 പേർക്ക് കൂടി കോവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 31,67,324 ആയി. ഒറ്റ ദിവസത്തിനിടെ 848 പേർ കൂടി രോഗം ബാധിച്ച് മരിച്ചു. ആകെ മരണം 58,390. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് നിലവിൽ 7,04,348 പേർ ചികിത്സയിലാണ്. ഇതുവരെ 24,04,585 പേർ രോഗമുക്തരായി.
മഹാരാഷ്ട്രയിൽ രോഗബാധിതരുടെ എണ്ണം ഏഴു ലക്ഷത്തോടുക്കുന്നു. ഇതുവരെ 6,93,398 പേർക്കാണ് രോഗം സ്ഥിരീകരിച്ചിട്ടുള്ളത്. തമിഴ്നാട്ടിൽ 3,85,352 പേർക്കും ആന്ധ്രാപ്രദേശിൽ 3,61,712 പേർക്കുമാണ് രോഗം. കർണാടകയിൽ 2,83,665 കേസുകള് റിപ്പോർട്ട് ചെയ്തിട്ടുണ്ട്. ഉത്തർപ്രദേശിൽ ആകെ 1,92,382 കേസുകളും ഡൽഹിയിൽ 1,62,527 കേസുകളും റിപ്പോർട്ട് ചെയ്തിട്ടുണ്ട്.
