ദില്ലി: രാജ്യത്ത് വീണ്ടും കോവിഡ് ആശങ്ക. പ്രതിദിന കോവിഡ് കേസുകളുടെ എണ്ണം കുത്തനെ ഉയരുകയാണ്. കഴിഞ്ഞ 24 മണിക്കൂറിനുള്ളില് ഇന്ത്യയില് 4,435 പുതിയ കേസുകള് രേഖപ്പെടുത്തി. കഴിഞ്ഞ 163 ദിവസത്തിനിടെ രേഖപ്പെടുത്തിയ ഏറ്റവും ഉയര്ന്ന പ്രതിദിന വര്ധനയാണിത്. ഒറ്റ ദിവസം കൊണ്ട് സജീവമായ കേസുകള് 23,091 ആയി. പുതിയ കേസുകളോടെ രാജ്യത്തെ ആകെ കോവിഡ് കേസുകളുടെ എണ്ണം 4.47 കോടിയായി ഉയര്ന്നു.
മഹാരാഷ്ട്രയില് നിന്ന് 24 മണിക്കൂറിനിടെ നാല് മരണങ്ങള് റിപ്പോര്ട്ട് ചെയ്തു. ഛത്തീസ്ഗഡ്, ഡല്ഹി, ഗുജറാത്ത്, ഹരിയാന, കര്ണാടക, ഒഡീഷ, പഞ്ചാബ് എന്നിവിടങ്ങളില് നിന്ന് ഓരോ മരണവും രേഖപ്പെടുത്തി. നാല് മരണങ്ങള് കേരളം കണക്കില് കൂട്ടിച്ചേര്ത്തതായും കേന്ദ്ര ആരോഗ്യ മന്ത്രാലയം അറിയിച്ചു. 15 പേര് കൂടി മരിച്ചതോടെ ആകെ മരണസംഖ്യ 5,30,916 ആയി.കഴിഞ്ഞ 24 മണിക്കൂറിനുള്ളില് 2,508 പേര് രോഗമുക്തരായി. ഇതോടെ രോഗമുക്തി നേടിയവരുടെ എണ്ണം 4,41,79,712 ആയി. പ്രതിവാര, പ്രതിദിന പോസിറ്റിവിറ്റി നിരക്ക് നിലവില് യഥാക്രമം 2.79, 3.38 ശതമാനമാണ്.
