തിരുവനന്തപുരം: അരിക്കൊമ്പനെ പിടികൂടി പറമ്പിക്കുളത്തേക്ക് മാറ്റാന് ഹൈക്കോടതി ഉത്തരവ്. അഞ്ചംഗ വിദഗ്ധ സമിതിയുടെ റിപ്പോര്ട്ടിലാണ് ഇക്കാര്യമുളളത്. റവന്യൂ, പോലീസ്, അഗ്നിരക്ഷ വിഭാഗങ്ങള് ആവശ്യമായ സഹായം നല്കണം. പിടികൂടുന്നതിന്റെ സോഷ്യല് മീഡിയ ആഘോഷങ്ങള് വേണ്ട എന്നും കോടതി വ്യക്തമാക്കി. ആനയെ മാറ്റുന്ന സമയം ചീഫ് വെറ്റിനറി ഓഫീസറായ അരുണ് സക്കറിയയ്ക്ക് തീരുമാനിക്കാമെന്ന് ഹൈക്കോടതി ഉത്തരവിട്ടു. അരിക്കൊമ്പനെ പിടികൂടുമ്പോള് പടക്കം പൊട്ടിച്ചും സെല്ഫിയെടുത്തും ആഘോഷിക്കുന്നതും വിലക്കിയിട്ടുണ്ട്.
റിപ്പോര്ട്ട് പരിഗണിക്കുന്നതിനിടെ, ഹൈക്കോടതി നിരവധി ചോദ്യങ്ങളാണ് ഉന്നയിച്ചത്. മദപ്പാടുള്ള ആനയെ പറമ്പിക്കുളം വരെ എങ്ങനെ എത്തിക്കുമെന്ന ചോദ്യമാണ് മുഖ്യമായി കോടതി ഉന്നയിച്ചത്. ആനയെ തടവിലാക്കണോ പുനരധിവസിപ്പിക്കണോയെന്ന് ചീഫ് വൈല്ഡ് ലൈഫ് വാര്ഡന് തീരുമാനിക്കട്ടെയെന്ന് കോടതി പരാമര്ശിച്ചു.
