ന്യൂഡല്ഹി : രാജ്യത്തെ കൊവിഡ് ബാധിതരുടെ എണ്ണം മുപ്പത്തിയേഴ് ലക്ഷത്തിലേക്ക്. രാജ്യത്ത് കഴിഞ്ഞ 24 മണിക്കൂറിനിടെ 69,921 പേര്ക്ക് കോവിഡ് സ്ഥിരീകരിച്ചു. 819 പേര് മരിച്ചു. ഇതോടെ രാജ്യത്തെ കൊവിഡ് ബാധിതര് 36,91,167 ആയി.
നിലവില് 7,85,996 പേരാണ് വിവിധ ആശുപത്രികളില് ചികിത്സയില് കഴിയുന്നത്. 28,39,883 പേര് രോഗമുക്തി നേടി ആശുപത്രി വിട്ടതായി സര്ക്കാര് കണക്കുകള് വ്യക്തമാക്കുന്നു.
രാജ്യത്ത് ഇതുവരെ കൊവിഡ് ബാധിച്ച് മരിച്ചവരുടെ എണ്ണം 65,288 ആയെന്ന് കേന്ദ്ര ആരോഗ്യമന്ത്രാലയം അറിയിച്ചു.
