ന്യൂഡല്ഹി: കഴിഞ്ഞ 24മണിക്കൂറിനിടെ രാജ്യത്ത് 1,67,059 പുതിയ കൊവിഡ് കേസുകള് സ്ഥിരീകരിച്ചു. മുന് ദിവസത്തെ അപേക്ഷിച്ച് രോഗം ബാധിച്ചവരുടെ എണ്ണത്തില് 20ശതമാനം കുറവുണ്ടായിട്ടുണ്ട്. ഇതോടെ ടെസ്റ്റ് പോസിറ്റിവിറ്റി നിരക്ക് 15.7 ശതമാനത്തില് നിന്ന് 11.6 ശതമാനമായി കുറഞ്ഞു. 1192 കൊവിഡ് മരണങ്ങളും ഇന്നലെ സ്ഥിരീകരിച്ചു. നിലവില് രാജ്യത്ത് ചികിത്സയില് കഴിയുന്നത് 17,43,059 പേരാണ്. 94.60 ശതമാനമാണ് രോഗമുക്തി നിരക്ക്. 42,154 പേര്ക്കാണ് ഇന്നലെ കേരളത്തില് കൊവിഡ് സ്ഥിരീകരിച്ചത്. 99,410 സാമ്പിളുകളാണ് പരിശോധിച്ചത്. വിവിധ ജില്ലകളിലായി 5,37,909 പേരാണ് ഇപ്പോള് സംസ്ഥാനത്ത് നിരീക്ഷണത്തില് കഴിയുന്നത്. 42.4 ശതമാനമാണ് കേരളത്തില് നിലവിലെ ടെസ്റ്റ് പോസിറ്റിവിറ്റി നിരക്ക്.
