ന്യൂഡൽഹി : രാജ്യത്ത് കഴിഞ്ഞ 24 മണിക്കൂറിനിടെ 63,371 പേർക്ക് കൂടി കോവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 73,70,469 ആയി. ഒറ്റ ദിവസത്തിനിടെ 895 പേർ കൂടി രോഗം ബാധിച്ച് മരിച്ചു. ആകെ മരണം 1,12,161. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് നിലവിൽ 8,04,528 പേർ ചികിത്സയിലാണ്. ഇതുവരെ 64,53,780 പേർ രോഗമുക്തരായി.
മഹാരാഷ്ട്രയിൽ ആകെ രോഗബാധിതർ 15,64,615 ആയി. രോഗബാധിതരുടെ എണ്ണത്തിൽ രണ്ടാം സ്ഥാനത്തുള്ള ആന്ധ്രാപ്രദേശിൽ 7,71,503 പേർക്കാണ് രോഗം. കർണാടകയില് 7,43,848 കേസുകളും തമിഴ്നാട്ടിൽ 6,74,802 കേസുകളും റിപ്പോർട്ട് ചെയ്തിട്ടുണ്ട്. 4,47,383 കേസുകളാണ് ഉത്തർപ്രദേശിൽ റിപ്പോർട്ട് ചെയ്തിട്ടുള്ളത്. ഡൽഹിയിൽ 3,21,031 പേർക്കും കേരളത്തിൽ 3,17,929 പേർക്കുമാണ് രോഗം.
