ന്യൂഡൽഹി : രാജ്യത്ത് 43,082 പേർക്ക് കൂടി രോഗം സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 93,09,788 ആയി. ഒറ്റ ദിവസത്തിനിടെ 492 പേർ കൂടി രോഗം ബാധിച്ച് മരിച്ചു. ആകെ മരണം 1,35,715. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് നിലവിൽ 4,55,555 പേർ ചികിത്സയിലാണ്. 39,379 പേർ കൂടി രോഗമുക്തരായി.
ഏറ്റവും കൂടുതൽ രോഗബാധിതരുള്ള മഹാരാഷ്ട്രയിൽ ആകെ രോഗബാധിതരുടെ എണ്ണം 18,02,365 ആയി. രണ്ടാം സ്ഥാനത്തുള്ള കർണാടകയിൽ 8,79,560 കേസുകളാണ് റിപ്പോർട്ട് ചെയ്തിട്ടുള്ളത്. ആന്ധ്രാപ്രദേശിൽ 8,65,705 കേസുകളും തമിഴ്നാട്ടിൽ 7,76,174 കേസുകളും റിപ്പോർട്ട് ചെയ്തിട്ടുണ്ട്. കേരളത്തിൽ ആകെ രോഗബാധിതരുടെ എണ്ണം 5,83,741 ആയി.
