ന്യൂഡൽഹി : കഴിഞ്ഞ 24 മണിക്കൂറിനിടെ 66,999 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്തെ ആകെ രോഗബാധിതരുടെ എണ്ണം 23,96,637 ആയി. ഒറ്റ ദിവസത്തിനിടെ 942 പേർ കൂടി രോഗം ബാധിച്ച് മരിച്ചു. ആകെ മരണം 47,033. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് നിലവിൽ 6,53,622 പേർ ചികിത്സയിലാണ്. ഇതുവരെ 16,95,982 പേർ രോഗമുക്തരായി.
മഹാരാഷ്ട്രയിൽ 5,48,313 പേർക്കും തമിഴ്നാട്ടിൽ 3,14,520 പേർക്കുമാണ് രോഗം സ്ഥിരീകരിച്ചിട്ടുള്ളത്. ആന്ധ്രാപ്രദേശിൽ 2,54,146 കേസുകളും കർണാടകയിൽ 1,96,494 കേസുകളും റിപ്പോർട്ട് ചെയ്തിട്ടുണ്ട്. ഡൽഹിയിൽ ആകെ 1,48,504 പേർക്കാണ് രോഗം. ഉത്തർപ്രദേശിൽ 1,36,238 കേസുകളാണ് റിപ്പോർട്ട് ചെയ്തിട്ടുള്ളത്.
