ന്യൂഡൽഹി : രാജ്യത്ത് 30,254 പേർക്ക് കൂടി കോവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 98,57,029. ആയി. ഒറ്റ ദിവസത്തിനിടെ 391 പേർ കൂടി രോഗം ബാധിച്ച് മരിച്ചു. ആകെ മരണം 1,43,019. ആരോഗ്യമന്ത്രാലയത്തിന്റെ റിപ്പോർട്ട് അനുസരിച്ച് നിലവിൽ 3,56,546 പേർ ചികിത്സയിലാണ്. 33,136 പേർ കൂടി രോഗമുക്തരായി.
ഏറ്റവും കൂടുതൽ രോഗബാധിതരുള്ള മഹാരാഷ്ട്രയിൽ ആകെ രോഗബാധിതരുടെ എണ്ണം 18,76,699 ആയി. രണ്ടാം സ്ഥാനത്തുള്ള കർണാടകയിൽ ഇതുവരെ 9,00,214 കേസുകളാണ് റിപ്പോർട്ട് ചെയ്തിട്ടുള്ളത്. ആന്ധ്രാപ്രദേശിൽ 8,75,025 കേസുകളും തമിഴ്നാട്ടിൽ 7,97,693 കേസുകളും റിപ്പോർട്ട് ചെയ്തിട്ടുണ്ട്. കേരളത്തിൽ ഇതുവരെ 6,64,632 കേസുകളാണ് റിപ്പോർട്ട് ചെയ്തിട്ടുള്ളത്.
