തൃശൂര് : ഒരു കുടുംബത്തിന് ഹോട്ടലില് ഇരുത്തി ഭക്ഷണം നല്കിയതിന് തൃശൂര് സ്വരാജ് റൗണ്ടിലെ ഇന്ത്യന് കോഫീ ഹൗസ് സീല് ചെയ്തു. കോവിഡ് പ്രോട്ടോക്കോള് പ്രകാരം നിലവില് പാര്സല് സംവിധാനം മാത്രമാണ് അനുവദിച്ചിട്ടുള്ളത്. ഈ ഉത്തരവ് ലംഘിച്ചെന്ന് ചൂണ്ടിക്കാട്ടി തൃശൂര് കോര്പറേഷന് ആരോഗ്യ വിഭാഗമാണ് സീല് ചെയ്തത്. പ്രവര്ത്തന സമയത്തില് മാത്രമാണ് ഹോട്ടലുകൾക്ക് ഇളവ് നല്കിയത്. കോര്പ്പറേഷന്റെ നടപടിക്കെതിരെ കോഫീ ഹൗസ് അധികൃതര് രംഗത്തെത്തി. പിഴ ഈടാക്കാതെ അടച്ചു പൂട്ടിയത് പ്രസ്ഥാനത്തെ തകര്ക്കാനാണെന്ന് കോഫീ ഹൗസ് അധികൃതര് അറിയിച്ചു.
