ന്യൂഡല്ഹി : ഇന്ത്യന് ക്രിക്കറ്റ് ടീമിലെ വമ്പന് താരങ്ങളെ ആശ്രയിക്കാതെ യുവതാരങ്ങള്ക്ക് കൂടുതല് അവസരങ്ങള് നല്കുന്നതിനെക്കുറിച്ച് ബിസിസിഐ ചിന്തിക്കണം മുന് ഇന്ത്യന് ക്യാപ്റ്റനും ഓള്റൗണ്ടറുമായ കപില് ദേവ്. ന്യൂസിലന്ഡിനെതിരായ ഇന്ത്യയുടെ തോല്വിക്ക് ശേഷമാണ് കപില് ദേവിന്റെ പ്രസ്താവന. ടി 20 ലോകകപ്പിലെ തുടര്ച്ചയായ രണ്ടാം തോല്വിയായിരുന്നു ന്യൂസിലന്ഡിനെതിരെ വഴങ്ങിയത്. ഇതോടെ സെമിഫൈനല് പോലും കാണാതെ ഇപ്പോള് പുറത്താകലിന്റെ വക്കിലാണ്.
ശേഷിക്കുന്ന എല്ലാ മത്സരങ്ങളും വലിയ മര്ജിനില് ജയിക്കുകയും അഫ്ഗാനിസ്ഥാനോ സ്കോട്ട്ലന്ഡോ നമീബിയയോ ന്യൂസിലന്ഡിനെ തോല്പ്പിക്കാന് കഴിഞ്ഞാല് ഇന്ത്യക്ക് യോഗ്യത നേടാനുള്ള നേരിയ അവസരമുണ്ട്. വിജയിക്കാന് മറ്റ് ടീമുകളെ ആശ്രയിക്കുക എന്നത് ഇന്ത്യന് ടീമിന് ചേര്ന്നതല്ലെന്ന് കപില് അഭിപ്രായപ്പെട്ടു. കൂടാതെ സ്ഥാപിത കളിക്കാര്ക്ക് സ്വയം തെളിയിക്കാന് കഴിയുന്നില്ലെങ്കില്, അടുത്ത തലമുറയ്ക്ക് വഴി മാറി കൊടുക്കാനുള്ള സമയമാണിതെന്ന് ചൂണ്ടിക്കാട്ടി.
‘മറ്റു ചില ടീമുകളുടെ അടിസ്ഥാനത്തില് ഞങ്ങള് വിജയിക്കുക നമുക്ക് ചേര്ന്നതല്ല. ഇന്ത്യന് ക്രിക്കറ്റ് ഒരിക്കലും അതിനെ അഭിനന്ദിച്ചിട്ടില്ല. നിങ്ങള്ക്ക് ലോകകപ്പ് ജയിക്കാനോ സെമിയിലെത്താനോ ആഗ്രഹിക്കുന്നുവെങ്കില്, നിങ്ങളുടെ സ്വന്തം ശക്തിയില് അത് ചെയ്യുക. മറ്റുള്ളവരെ ആശ്രയിക്കാതിരിക്കുന്നതാണ് നല്ലത്. വമ്പന് താരങ്ങളുടെയും വലിയ കളിക്കാരുടെയും ഭാവി സെലക്ടര്മാര്ക്ക് തീരുമാനിക്കേണ്ടിവരുമെന്ന് ഞാന് ഊഹിക്കുന്നു,’ കപില് പറഞ്ഞു.
ഇപ്പോള് നടക്കുന്ന ടി 20 ലോകകപ്പില് ഇന്ത്യയുടെ മോശം പ്രകടനത്തിന് പിന്നില് നിരവധി കാരണങ്ങളുണ്ടാകാം. ബയോ ബബിള്സ്, ടീം സെലക്ഷന് എന്നിവ പ്രധാന കാരണങ്ങളില്പ്പെടും. ഐപിഎല്ലില് മികച്ച പ്രകടനം കാഴ്ചവച്ചവരും താരതമ്യേന പുതുമയുള്ളവരുമായ ധാരാളം കളിക്കാര് ഉണ്ട്. അടുത്ത യുഗത്തില് ഇന്ത്യന് ക്രിക്കറ്റിനെ നയിക്കാന് അവരെ പരിഗണിക്കാമെന്നും കപില് ദേവ് പറഞ്ഞു.
‘ഐപിഎല്ലില് മികച്ച പ്രകടനം നടത്തുന്ന യുവാക്കള്ക്ക് അവസരം നല്കേണ്ട സമയമാണോ? അടുത്ത തലമുറയെ എങ്ങനെ മികച്ചതാക്കും? തോറ്റാല് അവര്ക്ക് ഒരു ദോഷവുമില്ല, കാരണം അവര്ക്ക് അനുഭവം ലഭിക്കും. ഈ വമ്പന് കളിക്കാര് ഇപ്പോള് മോശം ക്രിക്കറ്റ് കളിക്കുന്നത് ശരിയല്ല, അതിനാല് തന്നെ വിമര്ശനങ്ങള് ധാരാളം ഉണ്ടാകും. കൂടുതല് യുവാക്കളെ കൊണ്ടുവരുന്നതിനെക്കുറിച്ച് ബിസിസിഐ ഇടപെട്ട് ചിന്തിക്കേണ്ടതുണ്ട്. വമ്പന് താരങ്ങളെ ആശ്രയിക്കേണ്ടതില്ല ‘ ഇന്ത്യയുടെ ആദ്യ ലോകകപ്പ് ജേതാവ് കൂടിയായ കപില് ദേവ് പറഞ്ഞു.
