മനാമ: ഇന്ത്യൻ സമൂഹം നേരിടുന്ന പ്രശ്നങ്ങൾക്കും പരാതികൾക്കും പരിഹാരം തേടി ഈ വർഷത്തെ ആദ്യ ഓപ്പൺ ഹൗസ് ഇന്ത്യൻ എംബസി സംഘടിപ്പിച്ചു. ഇന്ത്യൻ അംബാസഡർ വിനോദ് കെ.ജേക്കബും എംബസിയുടെ കോൺസുലർ സംഘവും അഭിഭാഷക സമിതിയും പങ്കെടുത്തു. ഇംഗ്ലീഷ്, ഹിന്ദി, തമിഴ്, മലയാളം ഭാഷകളിൽ നടത്തിയ ഓപ്പൺ ഹൗസിൽ 60-ലധികം ഇന്ത്യൻ പൗരന്മാർ പങ്കെടുത്തു.
ഇന്ത്യയുടെ 75-ാമത് റിപ്പബ്ലിക് ദിനാഘോഷത്തോടനുബന്ധിച്ച് എംബസി സംഘടിപ്പിച്ച പതാക ഉയർത്തൽ ചടങ്ങിൽ ഇന്ത്യൻ കമ്മ്യൂണിറ്റി അംഗങ്ങളുടെ വൻതോതിലുള്ള പങ്കാളിത്തത്തിൽ അംബാസഡർ സന്തോഷം പ്രകടിപ്പിച്ചു. എംബസി സംഘടിപ്പിച്ച “ഇന്ത്യ ഇൻ ബഹ്റൈൻ ഫെസ്റ്റിവലിലും’ ഇന്ത്യൻ കമ്മ്യൂണിറ്റി അംഗങ്ങളുടെ ആവേശകരമായ പങ്കാളിത്തമുണ്ടായി.
