കുവൈത്ത് സിറ്റി: പെരുന്നാള് അവധിക്കിടെ ലഹരി വസ്തുക്കളുമായി നാട്ടില് നിന്നെത്തിയ പ്രവാസി വിമാനത്താവളത്തില് പിടിയിലായി. കുവൈത്ത് അന്താരാഷ്ട്ര വിമാനത്താവളത്തില് വെച്ച് കസ്റ്റംസ് ഉദ്യോഗസ്ഥര് നടത്തിയ പരിശോധനയിലാണ് ഇയാള് പിടിയിലായത്. ഒന്പത് പാക്കറ്റ് ലഹരി വസ്തുക്കളാണ് ഇയാള് ഇന്ത്യയില് നിന്ന് കൊണ്ടുവന്നത്. പരിശോധനയില് ഇത് ഹാഷിഷ് ആണെന്ന് കണ്ടെത്തിയതായും ഉദ്യോഗസ്ഥര് അറിയിച്ചു.
ലഗേജിനുള്ളില് വിദഗ്ധമായി ഒളിപ്പിച്ചാണ് ഇവ കൊണ്ടുവന്നത്. കുവൈത്ത് അന്താരാഷ്ട്ര വിമാനത്താവളത്തിലെ അഞ്ചാം ടെര്മിനലില് വന്നിറങ്ങിയ ഇയാളെ സംശയം തോന്നി ഉദ്യോഗസ്ഥര് വിശദമായി പരിശോധിക്കുകയായിരുന്നു.
