പാലക്കാട്: വികെ ശ്രീകണ്ഠന് എംപിയുടെ പോസ്റ്റര് വന്ദേഭാരതില് ഒട്ടിച്ച സംഭവത്തില് ആര്പിഎഫ് കേസെടുത്തു. യുവമോര്ച്ച യുവമോര്ച്ച നേതാവ് നന്ദകുമാറിന്റെ പരാതിയിലാണ് ഷോര്ണൂര് ആര്പിഎഫ് കേസെടുത്തത്. ട്രെയിന് ഷോര്ണൂരില് എത്തിയപ്പോഴായിരുന്നു പോസ്റ്റര് പതിച്ചത്. വികെ ശ്രീകണ്ഠന് അഭിവാദ്യമര്പ്പിച്ചുള്ള പോസ്റ്റര് കോണ്ഗ്രസ് പ്രവര്ത്തകര് ട്രെയിനില് പതിക്കുകയായിരുന്നു.
അതേസമയംയ ഇത് നിഷേധിച്ച് വികെ ശ്രീകണ്ഠന് തന്നെ രംഗത്തെത്തി. തന്റെ അറിവോ സമ്മതമോ ഇല്ലാതെയാണ് പോസ്റ്റര് ഒട്ടിച്ചതെന്ന് വികെ ശ്രീകണ്ഠന് വ്യക്തമാക്കി. ഏതോ ആളുകള് മഴവെള്ളത്തില് ഒട്ടിച്ച് എടുത്ത പടമാണ് സോഷ്യല്മീഡിയയില് പ്രചരിപ്പിക്കുന്നതെന്നും റെയില്വേയുടെ ഇന്റലിജന്സ് വിഭാഗം വേണമെങ്കില് അന്വേഷണം നടത്തട്ടേയെന്നും അദ്ദേഹം പറഞ്ഞിരുന്നു. ബിജെപി സമൂഹ മാധ്യമങ്ങളില് തെറ്റായ പ്രചാരണം നടത്തുകയാണെന്നും ശ്രീകണ്ഠന് എംപി പ്രതികരിച്ചു. താനടക്കം വിവിധ പാര്ട്ടികളിലെ നേതാക്കളും പോലീസും ഇന്റലിജന്സും ആര്പിഎഫുമെല്ലാം സ്റ്റേഷനിലുണ്ടായിരുന്നു. അവരെയൊക്കെ മറികടന്ന് പോസ്റ്റര് ഒട്ടിച്ചു എന്നത് വ്യാജ പ്രചരണമാണെന്നും വികെ ശ്രീകണ്ഠന് പറഞ്ഞു.
