ദില്ലി: ശ്രീലങ്കയുടെ വടക്കുകിഴക്കന് മേഖലയില് വന്തീപിടുത്തം. ഇന്ത്യന് ഓയില് കോര്പറേഷന്റെ ന്യൂഡയമണ്ട് എണ്ണ ടാങ്കറിനാണ് തീപിടിച്ചത്. ഇന്ത്യന് മഹാസമുദ്രത്തില് ശ്രീലങ്കയുടെ കിഴക്കന് ഭാഗത്തു വെച്ചാണ് കപ്പലില് തീപിടുത്തമുണ്ടായത്.
വലിയ അപകടമാണുണ്ടായതെന്നും ശ്രീലങ്കന് നാവികസേനയും വ്യോമസേനയും രക്ഷാപ്രവര്ത്തനത്തില് സഹകരിക്കുന്നുണ്ടെന്നും ശ്രീലങ്ക അറിയിച്ചു. കുവൈത്തില് നിന്ന് പാരാദ്വീപിലേക്കുള്ള (Paradip) യാത്രക്കിടെയാണ് അപകടമുണ്ടായതെന്നാണ് വിവരം. ശ്രീലങ്കന് നാവികസേനയെ ഉദ്ധരിച്ച് റോയിട്ടേഴ്സാണ് വാര്ത്ത പുറത്ത് വിട്ടത്.
ശ്രീലങ്കന് തീരത്ത് നിന്ന് 20 നോട്ടിക്കല് മൈല് അകലെയാണ് നിലവില് കപ്പലിന്റെ സ്ഥാനം. 2.70 ലക്ഷം ടണ് ക്രൂഡോയില് ചരക്കുകപ്പലില് ഉണ്ടെന്നാണ് ശ്രീലങ്കന് പ്രാദേശികമാധ്യമങ്ങള് റിപ്പോര്ട്ട് ചെയ്യുന്നത്. അഗ്നിബാധയുണ്ടായ കപ്പലില് നിന്നും ഇതുവരെ എണ്ണചോര്ച്ചയുണ്ടായിട്ടില്ലെന്നാണ് സൂചന.
