യുഎസ്: പ്രസിഡന്റ് തിരഞ്ഞെടുപ്പില് ഇന്ത്യന് വംശജയായ നിക്കി ഹേലി മത്സരിക്കും. ഡൊണാള്ഡ് ട്രംപിനെതിരെ റിപ്പബ്ലിക്കന് പാര്ട്ടിക്ക് വേണ്ടി മത്സരത്തിനിറങ്ങുമെന്ന് നിക്കി വ്യക്തമാക്കി. രണ്ട് തവണ സൗത്ത് കരോലിന ഗവര്ണറായ നിക്കി ഒരു വീഡിയോയിലൂടെയാണ് സ്ഥാനാര്ഥിത്വം സ്ഥിരീകരിച്ചത്. നിലവില് റിപ്പബ്ലിക്കന് പാര്ട്ടിയില് നിന്നുള്ള ആദ്യ മത്സരാര്ത്ഥിയാണ് ഈ 51കാരി. 2024 നവംബര് 5 ന് ആണ് ലോകം ഉറ്റുനോക്കുന്ന തിരഞ്ഞെടുപ്പ്.
ഞാന് നിക്കി ഹേലിയാണെന്ന് പരിചയപ്പെടുത്തിക്കൊണ്ടാണ് വീഡിയോ ആരംഭിക്കുന്നത്. ‘ഞാന് പ്രസിഡന്റ് തിരഞ്ഞെടുപ്പില് മത്സരിക്കാന് പോവുകയാണ്. പുതിയ തലമുറ നയിക്കേണ്ട സമയമാണിത്. രാജ്യത്തെ സാമ്പത്തികമായി ശക്തിപ്പെടുത്തുകയും നമ്മുടെ അതിര്ത്തികള് സംരക്ഷിക്കുകയും രാജ്യത്തെ കൂടുതല് ശാക്തീകരിക്കുകയും ചെയ്യുക എന്നത് ഞങ്ങളുടെ അഭിമാനവും ലക്ഷ്യവുമാണ്.’, നിക്കി ഹേലി പറഞ്ഞു. ഇന്ത്യയില് നിന്ന് കുടിയേറിയ മാതാപിതാക്കളുടെ അഭിമാന മകളെന്ന് സ്വയം വിശേഷിപ്പിക്കുന്ന ഹേലി, സൗത്ത് കരോലിനയിലാണ് വളര്ന്നതെന്നും ശക്തവും അഭിമാനകരവുമായ അമേരിക്കയില് വിശ്വസിക്കുന്നതായും വീഡിയോയില് പറഞ്ഞു.
ഡൊണാള്ഡ് ട്രംപിന്റെ കാലത്ത് ഐക്യരാഷ്ട്രസഭയിലെ യുഎസ് അംബാസഡറായി ഹേലിയെ നിയമിച്ചിരുന്നു. യുഎസ് ഭരണത്തില് കാബിനറ്റ് തലത്തില് നിയമിക്കപ്പെട്ട ആദ്യത്തെ ഇന്തോ-അമേരിക്കക്കാരിയായിരുന്നു അവര്. ബുധനാഴ്ച സൗത്ത് കരോലിനയിലെ ചാള്സ്റ്റണില് നടക്കുന്ന പ്രസംഗത്തില് അവര് തിരഞ്ഞെടുപ്പ് പ്രചാരണത്തിന്റെ രൂപരേഖ അവതരിപ്പിക്കും.
നിലവില് ട്രംപിനെ വെല്ലുവിളിക്കാന് ഔദ്യോഗികമായി അവകാശവാദം ഉന്നയിച്ച റിപ്പബ്ലിക്കന് പാര്ട്ടിയില് നിന്നുള്ള ആദ്യ മത്സരാര്ത്ഥിയാണ് നിക്കി ഹേലി. ഇവരെ കൂടാതെ ഫ്ലോറിഡ ഗവര്ണര് റോണ് ഡിസാന്റിസ്, മുന് പ്രസിഡന്റ് മൈക്ക് പെന്സ്, സൗത്ത് കരോലിനയില് നിന്നുള്ള യുഎസ് സെനറ്റര് ടിം സ്കോട്ട്, ന്യൂ ഹാംഷെയറില് നിന്നുള്ള ഗവര്ണര് ക്രിസ് സുനുനു, മുന് അര്ക്കന്സാസ് ഗവര്ണര് ആസാ ഹച്ചിന്സണ് എന്നിവരും മത്സരിക്കുമെന്നാണ് വിവരം.
ന്യുസ് ചാനലില് ബിസിനസ് ഡെവലപ്മെന്റ് മാനേജരുടെ ഒഴിവുകള്
Eastindia Broadcasting Pvt. Ltd. ന്റെ ഉടമസ്ഥതയിലുള്ള പ്രമുഖ ഓണ്ലൈന് ന്യൂസ് ചാനല് ആയ പത്തനംതിട്ട മീഡിയായില് ബിസിനസ് ഡെവലപ്മെന്റ് മാനേജരുടെ ഒഴിവുകളുണ്ട് . യോഗ്യരായ ഉദ്യോഗാര്ത്ഥികളില് നിന്നും അപേക്ഷകള് ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില് മുന്പരിചയം അഭികാമ്യം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. 18000 രൂപാ പ്രതിമാസ ശമ്പളവും 5000 രൂപാ യാത്രാ ചെലവും ലഭിക്കും. കൂടാതെ നിശ്ചിത നിരക്കില് കമ്മീഷനും ലഭിക്കും. താല്പ്പര്യമുള്ളവര് പാസ്പോര്ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില് ചെയ്യുക. [email protected] കൂടുതല് വിവരങ്ങള്ക്ക് 94473 66263, 85471 98263, 0468 2333033 എന്നീ നമ്പരുകളില് ബന്ധപ്പെടാം.
