ബെയ്ജിംഗ് : ഇന്ത്യ ടിക് ടോക്ക് അടക്കം 59 ആപ്പുകള് നിരോധിച്ചതോടെ ചൈനയും നിലപാട് രൂക്ഷമാക്കാന് തുടങ്ങി. ഇന്ത്യന് മാധ്യമങ്ങളും വെബ്സൈറ്റുകളും ബ്ലോക്ക് ചെയ്ത് കൊണ്ടാണ് ചൈന പ്രതികരിച്ചത്. നിലവില് വി.പി.എന് മുഖേന മാത്രമേ ഇന്ത്യന് വെബ്സൈറ്റുകള് ചൈനയില് ലഭ്യമാകൂ. അതേസമയം, ഐഫോണിലും ഡെസ്ക്ടോപ്പ് കംപ്യൂട്ടറുകളിലും വി.പി.എന് സേവനം ലഭ്യമാകുന്നില്ലെന്ന് പരാതികള് ഉയര്ന്നിട്ടുണ്ട്.
വ്യക്തികളുടെ ഓണ്ലൈന് നീക്കങ്ങള് രഹസ്യമാക്കുന്ന ഇന്റര്നെറ്റ് സംവിധാനമാണ് വി.പി.എന്. ഇന്റര്നെറ്റിന് നിയന്ത്രണങ്ങളുള്ള രാജ്യങ്ങളില് വി.പി.എന് സാധാരണമാണ്. അതെസമയം വി.പി.എന്നിനെ പോലും തടയിടുന്ന സംവിധാനം ചൈന കൊണ്ടുവന്നതായും റിപ്പോര്ട്ടുകളുണ്ട്.
