തിരുവനന്തപുരം : തൊഴിലാളി വർഗത്തിന്റെ ശബ്ദമായി ഇന്ത്യൻ തൊഴിലാളി ഓൺലൈൻ മാസിക മാറുമെന്ന് കോൺഗ്രസ് അഖിലേന്ത്യാ വർക്കിങ് കമ്മിറ്റി അംഗം രമേശ് ചെന്നിത്തല പറഞ്ഞു. ഐ.എൻ.ടി.യു.സിയുടെ തെരഞ്ഞെടുക്കപ്പെട്ട സമിതിയുടെ വെബ്സൈറ്റും ഇന്ത്യൻ തൊഴിലാളി ഓൺലൈൻ മാസികയുടെ സ്വിച്ച് ഓൺ കർമ്മവും തിരുവനന്തപുരത്ത് കെ.പി.സി.സി. ഓഫീസിൽ നിർവഹിച്ചു കൊണ്ട് സംസാരിക്കുകയായിരുന്നു അദ്ദേഹം. സമിതി ചെയർമാനും മാസികയുടെ മാനേജിംഗ് എഡിറ്ററുമായ ആർ.എ.പരമേശ്വരൻ അധ്യക്ഷത വഹിച്ചു.
ചടങ്ങിൽ സമിതി ജനറൽ കൺവീനറും ചീഫ് എഡിറ്ററുമായ ചീങ്ങന്നൂർ മനോജ് സ്വാഗതവും കോ-ഓർഡിനേറ്റർ പി. സുധാകരൻ, കെ.പി.സി.സി. വൈസ് പ്രസിഡന്റ് ടി. ശരത്ചന്ദ്ര പ്രസാദ്, പ്രവാസി എഴുത്തുകാരനായ കായകുളം യുനുസ്സ്, എ.ഷാജി, ജി. അനന്തകുമാർ, വർഗീസ് ജോസഫ്, എ.എ.ഷാജഹാൻ, നഹാസ് പത്തനംതിട്ട, വഞ്ചിയൂർ രാധാകൃഷ്ണൻ, സന്തോഷ് എസ്. മിത്രമ്മല, കൊല്ലയിൽ രാജൻ, മണവീടാകം ജയകുമാർ, എൻ. രാജേഷ് തുടങ്ങിയവർ ആശംസകൾ അർപ്പിച്ചു.
