സിവില് സര്വീസ് പ്രിലിമിനറി/മെയിന്സ് പരീക്ഷാ പരിശീലനം
കിലെ ഐ.എ.എസ് അക്കാദമിയില് സിവില് സര്വീസ് പ്രിലിമിനറി/മെയിന്സ് പരീക്ഷാ പരിശീലനത്തിന് അപേക്ഷ ക്ഷണിച്ചു. കേരള സംസ്ഥാന അസംഘടിത തൊഴിലാളി സാമൂഹ്യസുരക്ഷാ പദ്ധതിയിലെ അംഗങ്ങളുടെ മക്കള്ക്കും ആശ്രിതര്ക്കും പരിശീലനം നല്കും. ഈ കോഴ്സിന് ചേരാന് ആഗ്രഹിക്കുന്ന ബോര്ഡില് രജിസ്റ്റര് ചെയ്തിട്ടുള്ള അംഗങ്ങളുടെ ബിരുദധാരികളായ മക്കള്/ ആശ്രിതര് ക്ഷേമ ബോര്ഡില് നിന്നും വാങ്ങിയ ആശ്രിതത്വ സര്ട്ടിഫിക്കറ്റ് ഉള്പ്പെടെ അപേക്ഷിക്കേണ്ട അവസാന തീയതി ഏപ്രില് 20. വെബ്സൈറ്റ് : www.kile.kerala.gov.in. ഫോണ്: 8075768537, 0471-2479966, 0471-2309012.
അപേക്ഷ ക്ഷണിച്ചു
കേരള ഫിഷറീസ് സമുദ്രപഠന സര്വകലാശാലയില് (കുഫോസ്) 2024-25 അധ്യയന വര്ഷത്തിലെ ബിരുദാനന്തര ബിരുദം, പിഎച്ച്ഡി എന്നീ പഠന പദ്ധതികളിലേക്ക് പ്രവേശനത്തിന് അപേക്ഷ ക്ഷണിച്ചു. ഫിഷറീസ്, സമുദ്രശാസ്ത്രം എന്നീ മേഖലകളുമായി ബന്ധപ്പെട്ട വിവിധ വിഷയങ്ങളില് 2024-25 വര്ഷത്തില് നടത്തുന്ന എംഎഫ്എസ്സി, എംഎസ്സി, എംബിഎ, എംടെക്, പിഎച്ച്ഡി എന്നീ കോഴ്സുകള്ക്കാണ് പ്രവേശനം. അപേക്ഷ സ്വീകരിക്കുന്ന അവസാന തീയതി ഏപ്രില് 18. വെബ് സൈറ്റ് : www.admission.kufos.ac.in
ലൈഫ് സര്ട്ടിഫിക്കറ്റ് ഹാജരാക്കണം
കേരള ഷോപ്സ് ആന്റ് കൊമേഴ്സ്യല് എസ്റ്റാബ്ലിഷ്മെന്റ്സ് തൊഴിലാളി ക്ഷേമനിധി ബോര്ഡ് പത്തനംതിട്ട ജില്ലാ ഓഫീസില് നിന്നും പെന്ഷന് കൈപ്പറ്റുന്ന മുഴുവന് ഗുണഭോക്താക്കളും മെയ് മുതല് പെന്ഷന് ലഭിക്കുന്നതിന് ഏപ്രില് 25 ന് മുമ്പായി ലൈഫ് സര്ട്ടിഫിക്കറ്റ് ഹാജരാക്കുകയോ ഓഫീസില് നേരിട്ട് ഹാജരാകുകയോ ചെയ്യണമെന്ന് ജില്ലാ എക്സിക്യൂട്ടീവ് ഓഫീസര് അറിയിച്ചു. ഫോണ് : 0468 2223169.