അപേക്ഷ ക്ഷണിച്ചു
റാന്നി പെരുനാട് ഗ്രാമപഞ്ചായത്തില് ക്ലര്ക്ക് തസ്തികയിലുള്ള മൂന്ന് ഒഴിവുകളിലേക്ക് ദിവസ വേതന അടിസ്ഥാനത്തില് 179 ദിവസത്തില് അധികരിക്കാത്ത നിയമനത്തിന് ഉദ്യോഗാര്ഥികളില് നിന്ന് അപേക്ഷ ക്ഷണിച്ചു. താല്പ്പര്യമുള്ളവര്ക്ക് സര്ട്ടിഫിക്കറ്റുകളുടെ പകര്പ്പ് സഹിതം ഗ്രാമപഞ്ചായത്ത് ഓഫീസില് മാര്ച്ച് അഞ്ചിന് ഉച്ചയ്ക്ക് മൂന്നു വരെ അപേക്ഷ സമര്പ്പിക്കാം.
ടീംലീഡര്, കമ്മ്യൂണിറ്റി ഫെസിലിറ്റേറ്റര് തിരഞ്ഞെടുപ്പ്
ജലജീവന് പദ്ധതി പ്രകാരം ടാപ്പുകളിലൂടെ ശുദ്ധജല വിതരണം മുഴുവന് ഗ്രാമീണഭവനങ്ങളിലും ലഭ്യമാക്കുക എന്ന ലക്ഷ്യത്തോടെ നടപ്പാക്കുന്ന പദ്ധതിയുടെ ഐ.എസ്.എ ജോലികള് പഞ്ചായത്ത് തലത്തില് ചെയ്യുന്നതിന് കരാര് അടിസ്ഥാനത്തില് ടീംലീഡര്, കമ്മ്യൂണിറ്റി ഫെസിലിറ്റേറ്റര് എന്നിവരെ തിരഞ്ഞെടുക്കുന്നതിന് അപേക്ഷ ക്ഷണിച്ചു. പത്തനംതിട്ട ജില്ലയില് സ്ഥിരതാമസക്കാരായ കുടുംബശ്രീ അംഗങ്ങള്ക്കോ, കുടംബശ്രീ കുടുംബാംഗങ്ങള്ക്കോ അപേക്ഷിക്കാം. പ്രായ പരിധി 01.01.2022 ന് 20 വയസ് പൂര്ത്തിയായവരും 40 വയസ് കവിയാത്തവരും ആയിരിക്കണം.
ഒഴിവുള്ള പഞ്ചായത്തുകള് : ആറന്മുള, അരുവാപ്പുലം, അയിരൂര്, ചെന്നീര്ക്കര, ഇരവിപേരൂര്, കടപ്ര, കവിയൂര്, കോയിപ്രം, കോന്നി, കുളനട, മലയാലപ്പുഴ, മെഴുവേലി, മൈലപ്ര, നാരങ്ങാനം, റാന്നി, പെരിങ്ങര, പ്രമാടം, തണ്ണിത്തോട്, തുമ്പമണ്, വള്ളിക്കോട്, പന്തളംതെക്കേക്കര.
ടീം ലീഡര്- വിദ്യാഭ്യാസയോഗ്യത : എം.എസ്.ഡബ്ല്യൂ /എം.എ സോഷ്യോളജി. ഗ്രാമവികസനം /ജലവിതരണ പദ്ധതികളില് കുറഞ്ഞത് ഒരു വര്ഷത്തെ പ്രവൃത്തി പരിചയം.
കമ്മ്യൂണിറ്റി ഫെസിലിറ്റേറ്റര് – വിദ്യാഭ്യാസയോഗ്യത : ബിരുദം. ഗ്രാമവികസനം /സാമൂഹ്യസേവനം /ജലവിതരണ പദ്ധതികളില് കുറഞ്ഞത് ഒരു വര്ഷത്തെ പ്രവൃത്തി പരിചയം.
താത്പര്യമുള്ളവര് വെള്ള പേപ്പറില് പൂരിപ്പിച്ച അപേക്ഷ, (വയസ്, വിദ്യാഭ്യാസ യോഗ്യത എന്നിവ തെളിയിക്കുന്ന സ്വയം സാക്ഷ്യപ്പെടുത്തിയ പകര്പ്പുകള് സഹിതം) കുടുംബശ്രീ ജില്ലാ മിഷന്, മൂന്നാംനില കളക്ട്രേറ്റ് എന്ന വിലാസത്തില് സമര്പ്പിക്കാം. അവസാന തീയതി മാര്ച്ച് അഞ്ചിന് വൈകുന്നേരം അഞ്ചു വരെ. അതിനുശേഷമുള്ള അപേക്ഷകള് സ്വീകരിക്കുന്നതല്ല. കൂടുതല് വിവരങ്ങള്ക്ക് കുടുംബശ്രീ ജില്ലാമിഷന് ഓഫീസുമായോ 9188112605 എന്ന നമ്പരുമായോ ബന്ധപ്പെടുക.
സ്പോര്ട്സ് ഹോസ്റ്റല് സെലക്ഷന്
കേരള സ്റ്റേറ്റ് സ്പോര്ട്സ് കൗണ്സിലിന്റെ കീഴില് വിവിധ ജില്ലകളില് പ്രവര്ത്തിക്കുന്ന സ്പോര്ട്സ് ഹോസ്റ്റലുകള്, എലൈറ്റ്, ഓപ്പറേഷന് ഒളിമ്പിയ സ്കീമുകളില് 2022-23 അധ്യയന വര്ഷത്തേക്കുള്ള ജില്ലാതല, സോണല് സെലക്ഷന് മാര്ച്ച് രണ്ടു മുതല് 15 വരെ നടക്കും. 2022-23 അധ്യയന വര്ഷത്തെ ഏഴ്, എട്ട് ക്ലാസുകളിലേക്കും പ്ലസ് വണ്, ഡിഗ്രി ഒന്നാം വര്ഷത്തേക്കുമാണ് കായികതാരങ്ങളെ തിരഞ്ഞെടുക്കുന്നത്. ബാസ്കറ്റ് ബോള്, സ്വിമ്മിങ്, ബോക്സിങ്, ജൂഡോ, ഫെന്സിങ്, ആര്ച്ചറി, റസ്ലിംങ്, തയ്ക്വാണ്ടോ, സൈക്ലിങ്, നെറ്റ്ബാള്, കബഡി, ഖോ ഖോ, കനോയിങ് കയാക്കിങ്, റോവിങ്, ഹോക്കി, ഹാന്ഡ് ബോള്, എന്നീ കായികയിനങ്ങളിലാണ് സോണല് സെലക്ഷന് നടക്കുക.
സെലക്ഷന് സമയക്രമം : കോട്ടയം, ഇടുക്കി, പത്തനംതിട്ട ജില്ലകളിലെ കുട്ടികള്ക്ക് 11, 12 തീയതികളില് കോട്ടയം പാല മുനിസിപ്പല് സ്റ്റേഡിയത്തില് നടത്തും. പത്തനംതിട്ട, കൊല്ലം, തിരുവനന്തപുരം ജില്ലകളിലെ കുട്ടികള്ക്ക് 14, 15 തീയതികളില് തിരുവനന്തപുരം യൂണിവേഴ്സിറ്റി സ്റ്റേഡിയത്തില് നടത്തും. അത്ലറ്റിക്സ്, ഫുട്ബോള്, വോളീബോള് എന്നീ കായികയിനങ്ങളില് ജില്ലാതല സെലക്ഷന് നടത്തും.
പരിശീലന പരിപാടി
സംരംഭകര്ക്ക് ബിസിനസിന്റെ നിയമവശങ്ങളെ കുറിച്ച് വ്യവസായ വാണിജ്യ വകുപ്പിന്റെ കീഴില് പ്രവര്ത്തിക്കുന്ന സംരംഭകത്വ വികസന ഇന്സ്റ്റിറ്റിയുട്ട് ആയ കേരള ഇന്സ്റ്റിറ്റ്യൂട്ട് ഫോര് എന്ട്രപ്രണര്ഷിപ്പ് ഡവലപ്മെന്റ് മാര്ച്ച് അഞ്ചിന് ഓണ്ലൈനായി വെബിനാര് സങ്കടിപ്പിക്കും. പങ്കെടുക്കാന് താത്പര്യമുള്ളവര് www.kied.info മുഖേന രജിസ്റ്റര് ചെയ്യണം. ഫോണ് : 0484 – 2532890, 9605542061.
